星8卦｜「白鸽」嫁入豪门劲刻薄工人日日自备干粮开餐月薪7万冇人肯做

更新时间：10:00 2023-02-21 HKT
发布时间：10:00 2023-02-21 HKT

乜嘢叫上流社会下流人？「白鸽」肯定系表表者。奇在「白鸽」又唔系大富人家出身，即系𠮶啲自命蓝血人，咁始终都算身家清白，父母系专业人士，唔系又点过到「老爷」呢关。

「白鸽」叻女㗎，Fight低一众邪花正成功入门，最大原因系老爷Like，觉得普通人家容易受自己控制。「二世」见完成人生大事，又有几个仔承阿爷业，咪继续发挥风流本色，唔多返屋企。入门无耐「白鸽」就发功，外面梗系好新抱好老婆，有晒心理准备有老公等于无老公，为求平衡心理，咪系屋企耀武扬威做女主人满足内心的自卑感。

苦就苦在帮佢打工嘅上上下下，尤其一班负责煮食嘅伙头大将军，出价系好高，普普通通都俾到6、7万月薪，但规矩多多，所有工人唔可以食老板买番嚟嘅食材，咁自己买又得唔得？一样唔得噃，因为惊啲材料唔新鲜，来历不明㖞，最重要系唔可以用主人嘅煮食炉具，仲有唔可以佢哋啲碗筷刀叉，咁即系点呀？叫外卖啰，但大佬呀，住到深山嘅亿亿声House，唔系人人肯送，所以好多时都带定啲面包同水，一日两餐靠干粮搞掂，真㗎，连即食面都唔敢食，怕用佢哋啲滚水都唔得嘛，所以除非无饭开，佢啲工人特别系香港人，都未做到试用期就辞工，大宅长期请人，咁高人工都无人做得长梗系有原因。

【相关文章】：

星8卦｜「巴辣」用钱纵坏女儿变港孩老窦地位低冇Say宁愿做鹌鹑

星8卦｜「潮女」悭家换「长辈级」形象指导为细路唔介意成身土味

星8卦｜「小天后」又懒又烦要买麻雀枱喺后台开大餐被封乐坛「瘫己」犯众憎

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ