王祖蓝亡父保险金被亲戚一借无回头 曾挨两年11蚊碟头饭做多份兼职帮补家计
发布时间：17:00 2022-12-29 HKT
在内地发展多年的王祖蓝最近接受港台节目主持周振基访问，从小在屋邨长大的王祖蓝，提到昔日就读演艺学院时，因为父亲患绝症，要做兼职帮补家计外，更有两年时间要挨11蚊碟头饭度日，令人相当心酸。
【点击睇王祖蓝访问】：
王祖蓝自小在马鞍山恒安邨长大，与容祖儿和黄翠如同邨，更是小学校友：「我同黄翠如家姐、容祖儿系同一班，大家都系屋邨出身，好平，千零蚊租，由邨校一直到中学，其实都冇谂过自己入呢行。」之后王祖蓝中学毕业后，入读演艺学院，他自嘲说：「因为唔系好读到书，又因为细细粒，冇人留意，追唔到女仔，唯有上舞台先令人哋睇返自己，弥补自卑嘅缺陷。入咗演艺学院之后，亦真系爱上演戏、唱歌。」
不过王祖蓝读书时因为爸爸身患绝症，家境清贫而过得非常辛酸：「有两年爸爸患绝症，有一年时间佢要做化疗唔开得工，𠮶阵政府好好，申请到综缓同类似伤残津贴。𠮶阵妈妈又会去楼下屋邨茶餐厅做几个钟兼职，我系full grant full loan（全额学费资助及低息生活货款），所有钱都系畀晒屋企分配，自己嘅兼职就希望养到自己。」后来父亲离世，人寿保险金被亲戚借走，却有去无还，结果王祖蓝为家计转做幕前，弃做导演。
毕业后王祖蓝要偿还学费，要做兼职帮补家用：「记得𠮶阵有帮港台做儿童节目、写广播剧，帮主题乐园写音乐剧歌词，又会出去教班、做吓咖喱啡，乜嘢都做，能够揾钱嘅都会。」庆幸当时在港台做兼职，令他有廉价碟头饭饱肚：「兼职香港电台，员工优惠救咗我哋好多日子，11蚊碟头饭，每日就靠11蚊嘅干炒牛河、免治牛肉饭呢啲，咁样就好开心，好饱㗎喇！」
王祖蓝北上发展多年，是最早打入内地综艺市场的香港艺人之一，他对内地市场亦有一番见解：「我睇住成个转变，最初好多时都系参考香港，佢揾得我上去都系可能当年内地冇专业模仿嘅人、综艺或游戏竞技类嘅人，所以当年好希望我哋呢啲有经验嘅港台艺人入去，刺激吓佢哋节目。」不过内地影视进步神速：「5年内佢哋已经发展得好成熟，我2014、2015年拍《跑男》嘅时候，就系成个国家综艺最鼎盛嘅时候，𠮶阵已经好丰富、百花齐放。内地成个综艺市场已经几乎全部由内地人去支撑，变咗新一代香港艺人入去已经有困难。」
王祖蓝于访问中亦提到香港电视业发展，他表示今年最开心是「香港人睇返电视」：「我觉得大家大方啲，除咗我哋之外，无论咩电视台，成个大环境收视都高咗，其实应该要百花齐放。」他未来还有两大目标，包括改革网络与电视互动、为香港艺人打开内地市场等。访问中主持不断盛赞王祖蓝好靓仔，问到他当初如何追到李亚男，王祖蓝笑说：「佢同你一样都系要配眼镜，佢同我讲竟然觉得我靓仔，我自己都觉得冇乜可能，情人眼里出西施。」
【其他阅读】：
苟芸慧圣诞与阔太聚会惊见黄长兴旧爱 90年代乐坛小花变证券公司副总裁
48岁向海岚「升呢」做老板娘 谷胸兼任代言人 摆甫士违反人体工学狂扭腰
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
