张进翘写挥春祝「翘盼幸福」拜年食晒提子味瑞士糖

更新时间：02:30 2022-02-06 HKT
发布时间：02:30 2022-02-06 HKT

歌手张进翘（Manson）应香港开电视主播马梓轩邀请拍摄贺年特辑，更即席挥毫写挥春。Mason分别写上「金虎与共」以及「翘盼幸福」，他亦不忘解释当中含意：「我写『翘盼幸福』系想送畀每一位香港人，只要我哋愿意选择开心，选择幸福就会幸福！但点解要翘盼呢？就系希望大家就算喺困难嘅情况，或者疫情之下，都可以保持自信同埋健康嘅身体，去期盼我哋嘅幸福来临！」

即席挥毫

谈及农历新年的活动，Manson笑言大扫除是每年必做的事：「因为我间房好乱呀，我已经搞唔清楚自己本身系钟意整齐还是钟意邋遢！另外过年我同屋企人一定会去行山，我哋通常去龙脊，𠮶度都算易行，同埋行山𠮶阵都成日撞见朋友，好开心！」
过年期间，Manson除了珍惜与家人朋友相聚，品尝贺年糖果亦是重要一环：「我好钟意食瑞士糖！去亲婆婆屋企拜年，佢个攒盒一定会有好多糖，然后我就会食晒里面紫色提子味嘅糖，然后其他亲朋戚友就会问点解冇晒提子味嘅？其实就系俾我食晒！」