波波《野外2》化身美人鱼抢收视 陈嘉慧体验三项铁人运动
更新时间：05:42 2021-12-20 HKT
发布时间：13:30 2021-12-20 HKT
发布时间：13:30 2021-12-20 HKT
字体大小
近日大家剥得多「花生」，追睇王力宏离婚风波同时，不妨转移视线睇吓J2台「索女」。明晚（周二）十点半J2台播出嘅第16集嘅《野外步出2》请到36E导弹身材嘅黄婧灵（波波）做嘉宾作为「圣诞礼物」。主持人方绍聪（奶仔）表示，呢集应该系大家最期待嘅一集，他亦希望呢集可以冲破J2收视之冠，甚至可以喺J2以外嘅无线翡翠台播出。
何泳芍（Honey）充当自由潜水教练。
Honey教授唔使孭樽呼吸闭气技巧。
波波化身索爆美人鱼畅泳。
奶仔请来何泳芍及波波被取笑系自肥。
节目中波波大晒丰满身材，奶仔被取笑系「自肥」，他却说：「呢集都精彩，因为我哋会穿著返拍摄美人鱼嘅适当衣服，喺水底入面跳舞，同埋影咗啲好靓嘅相嘅，其实涉及好多free-diving（自由潜水）嘅潜水技巧先可以影到咁靓嘅相。𠮶日我哋都有好多水底摄影机，呢集budget好大，同时请来何泳芍（Honey）充当自由潜水教练，教授唔孭樽呼吸闭气技巧，而Honey喺全盛时期可以超过5分钟水底闭气。」
波波大晒丰满身材。
Honey喺全盛时期可以超过5分钟水底闭气。
波波喺呢集节目中大派福利。
何泳芍玩咗多年自由潜水。
另外，今晚10点半𠮶集嘅《野外步出2》约到TVB新剧《爱上我的衰鬼》女主角陈嘉慧（Erica）去咗赤柱体验三项铁人运动，节目中她大谈首做女一及跟胡鸿钧合作感受。奶仔称，Erica系日本留学生，节目中有短剧仔，给她发挥。
今晚𠮶集《野外2》请嚟新剧《爱上我的衰鬼》女主角陈嘉慧。
Erica去咗赤柱体验三项铁人运动。
节目中她大谈首做女一及跟胡鸿钧合作感受。
