港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

头条独家丨魏浚笙曾减肥过度患厌食症最爱打拳爆汗轻晒朱古力腹肌

即时娱乐

更新时间：12:00 2021-12-06 HKT
发布时间：01:00 2021-12-06 HKT

打得投入魏浚笙上擂台疯狂出拳及踢腿，打到啪啪声好投入。

因为要拍ViuTv剧《i.SWIM》，魏浚笙(Jeffrey)要脱胸毛兼无间断着泳裤半裸上阵，为晒麒麟臂兼露腹肌开镜前疯狂健身。23岁，身高177cm嘅Jeffrey的一身肌肉得来不易，事关佢同姜涛一样由细到大都系肥仔，同样最高峰时Over 200磅，为保小钢条身形要Keep住做运动。日前Jeffrey去拳馆跟师傅练拳，见佢拉完筋就上擂台系咁出拳同踢腿，招招有力，用背心衫尾抹汗时仲唔觉意晒出6嚿朱古力腹肌，佢女友就好啦。采访：方骞平摄影：叶君海场地：Ole Muay Thai and Fitness 鸣谢：OLE师傅

好鬼为食肥仔最爱食，童年Jeffrey望住蛋糕流口水。

露麒麟臂魏浚笙由昔日「肥波」变大只仔，呢对麒麟臂得来不易。

当日，魏浚笙跟泰国师傅练拳，打到啪啪声好投入仲系咁爆汗。原来他中学时曾学过两年泰拳，觉得减肥唔使咁闷之外，最重要打拳击好有型。

3个月自残式减60磅
Jeffrey同姜涛一样是少年「肥波」，同样有减肥血泪史：「中六时同女朋友Evelyn一齐变『幸福肥』，我哋成日食宵夜，直至去咗model公司casting，啲人就奇怪咁问『呢个人咁肥都上嚟？』唉！心谂『系咪真系咁差呢？点解唔做好啲自己先去呢？自己都未ready，唔怪得人哋去批评你！』」为咗极速搣走脂肪，Jeffrey用咗个极端方法，「早上系咁饮斋啡，一日食得一餐，喺短短3个几月内激减60磅，但就搞坏咗身子变咗厌食症、头痛兼流鼻血，最后都系做运动，同埋配合高蛋白质食物，我会食黑椒鸡扒同埋切粒椰菜花加三文鱼。(有冇同姜涛一齐研究吓？）佢系我前辈，见到面会say Hi，我反而有同Edan(吕爵安)交流，知道佢都系食鸡扒Keep Fit。」

强劲腹肌Jeffrey打到爆晒汗，抹汗时6嚿朱古力腹肌瞬间露出。

可爱肥仔小学阶段嘅Jeffrey系肥仔唛，肚腩一截截好肉感。

激赞邱士缙线条最靓

𠵱家Jeffrey操出引死人腹肌，不过佢都仲系唔满意：「我最钟意The Rock嘅筋肉人身形，真心好厉害。𠵱家我只系得6嚿腹肌，可能我天生肥底最下两块唔够突出，喺《i.SWIM》入面邱士缙(Stanley) 嘅肌肉最齐同埋最完整，线条好靓。」Jeffrey表示拍摄期间有尽操，唔想出嚟效果唔好而后悔。讲到要剃埋胸毛，Jeffrey笑言，「我都唔知点解咁茂盛，剧组话中学生唔会有咁多体毛。」由《调教你男友》入行年多，Jeffrey称最大改变系做多咗运动，赚多咗钱反而唔系重点：「我同女朋友唔挥霍，又唔识投资，可能储起嚟做老婆本，我哋有个联名户口，(佢掌握你财政？)大家有商有量，我都好少买嘢，佢见我买嘢会好开心。」

明年Jeffrey嘅目标系学唱歌、演戏及考车牌：「作为新人好多方面都想试吓，如做打星。」而他于《胶战S2》中经常被取笑，最近又笑他「煨Sir自创成语『看不顺眼』」，对此，他直认成日「跳掣」谂错方向，好彩有Edan及岑珈其照顾：「人总有缺憾，我系蠢嘅代表，但唔系借口，所以要比其他人更加努力。」