港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

头条独家丨关宝慧听到已故罗君左讲嘢灵力提升拍《怪谈》更觉惊

即时娱乐

更新时间：00:51 2021-12-02 HKT
发布时间：23:15 2021-12-01 HKT

宝慧坦言现在灵力更高，反而识得惊。

关宝慧相隔16年再主持香港开电视新一辑《怪谈•一路好走》，她自爆当年主持了5年多节目，不识得保护自己，因而招惹了不少灵体返家，所以今次再主持会更小心，做足预防及善后措施。她又坦言现在灵力提升，更易跟灵体接触，在家也试过听到已故好友如罗君左等跟她说话，所以现在拍节目去探灵会更加惊。撰文：杜杜摄影：沈健程化妆：Clara Chan@Purple Star 制作公司场地：The AIR(The ONE)

宝慧不时会听到故友罗君左跟她说话。

拍摄时，宝慧试过一个人去探灵，都咪话唔惊。

宝慧坦言获节目邀请曾想过婉拒，因当年主持时搞到一屋鬼，「𠮶5年我系惹咗好多灵体返屋企，𠮶时每次录完会畀返录影带我攞番屋企，储埋成柜都系，佢哋就跟埋返屋企，每日玩灯胆、玩水掣、玩衣柜，终于我要做法事整走佢哋，师傅话系塞爆成间屋咁多，化嘢时成个盘系卷住咁起，我叫人嚟装修，每日整到4点几间屋就会嘭嘭声好似拆楼咁，又有人声嘈杂声，啲装修师傅惊到走，后尾层楼都系卖咗。」

宝慧今辑跟AP一齐主持，仲首次跟七仙羽师傅合作。

拍摄不时会被灵体骚扰，搞到对讲机经常失灵。

探灵做足准备
虽然有惨痛经历，但宝慧问过玄学师傅意见可照拍节目，「佢哋话OK嘅，因为我系属于阴嘅命，我做呢啲冇问题。」不过今次她学识保护自己，事前善后都做足准备，「有唔同师傅畀我嘅符，银包啲符厚过啲银纸，又有水晶同观音，必要时会喷符水，上次系唔识死，今次唔同，收工就喺现场化番嘢畀佢哋，私下会再揾师傅帮我化嘢，返屋企会喺门口烧符，返屋企再揾嘢冲凉再点香，七师傅教要转左3个圈又再转右3个圈先至冲得凉，每次搞好耐先至瞓得觉。」

今次节目会到不同地方探灵，宝慧感觉比以前更惊，因她灵力高了可跟更多灵体沟通，不过因而可帮到朋友，「而家系不论咩环境，日夜都可以见到同埋听到佢哋，譬如听到走咗嘅朋友罗君左同我讲嘢，把声唔系佢嚟，但好肯定佢讲𠮶个内容，因为我好钟意搽睫毛液擘大个口，罗君左成日笑我『唔口干嘅咩』所以认到系佢。又试过有朋友好后生撞车走咗，有日忽然谂起佢就听到佢话想要智能电话，我好乐意拍摄现场有灵体需要我帮助，帮到都系好事。」