港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

头条独家丨ANSONBEAN自爆食太多甜品会发脾气《与星有个约会》同「豆粉」整蛋糕

即时娱乐

更新时间：06:38 2021-11-22 HKT
发布时间：00:45 2021-11-22 HKT

好鬼活跃无时停嘅ANSONBEAN将个食材兜变头盔。

《头条娱乐》fb专页《与星有个约会》森美教花剑大受欢迎，第二炮交由扎扎跳，今日21岁生日的ANSONBEAN（陈毅燊AB）接棒，他跟4位「豆粉」(ANSONBEAN Fans暱称)合作整咗人生第一个蛋糕，完成咗佢其中一个心愿。「豆粉」有机会同偶像整饼当然超开心！期间，他自爆小秘密，原来呢粒「豆」食太多甜品会特别容易发脾气，所以Fans送礼畀佢识点拣啦！采访：方骞平摄影：谭壹致、叶君海、沈健程场地：Hotel ICON唯港荟酒店发型：Alex So @ The Attic 化妆：Jenny Shih 服装：Levi’s 饰物：Chanel 特别鸣谢：行政总厨Danny Ho@Hotel ICON

古怪表情ANSONBEAN突然对唧忌廉好有兴趣，做咗个古怪表情。

舞刀指挥ANSONBEAN舞动蛋糕刀，宣布比赛正式开始。

出身于舞蹈世家的ANSONBEAN在《造星III》夺得第3名而入行，更成为古天乐及Angelababy（杨颖）新公司Cool Style旗下首名艺人，今年7月正式成为寰亚唱片新人，分别推出处男作《CRUSH （oh no！）》及冧女情歌《you made my day》。《you made my day》MV以「女友视角」出发，有除背心大骚健硕身形，亦会乱七八糟咁搓粉团整蛋糕，之后亦于直播环节答应同「豆粉」一齐整饼。

无时停玩蛋糕刀
ANSONBEAN透过《与星有个约会》「找数」，与幸运「豆粉」Jenny、Nataile、Lily及Agnes一齐做日本桃蛋糕。当日活动分成两组比赛，「豆粉」清唱《you made my day》，由AB做评判拣出唱得最好嘅Agnes成为「女主角」，跟他孖住做蛋糕。而赛前众人先听取导师Danny讲解材料及步骤。正当个个都好认真时，无时停嘅AB将个食材兜变头盔，又将把蛋糕刀舞嚟舞去，连「豆粉」都忍唔住质疑：「其实你记唔记得个步骤㗎？」AB即望住小助手Agnes，停咗半秒笑住答：「我…呀…将个蛋糕摆上去嘛(蛋糕托盘)！」

加深了解期间ANSONBEAN边吹水边整饼，加深同「豆粉」了解。

挑战难度将蛋糕搬离托盘系最危险时刻，小助手Agnes急急帮手。

处男蛋糕喂婆婆
整饼过程中AB和「豆粉」都好多嘢倾，仲自爆咗好多秘闻添：「以前只系整过啫喱，又试过将啲汤丸放落滚水，我都钟意食甜品，但只可以间中食一两啖，唔可以食到发脾气𠮶个位，因为食得太多会饱饱滞滞，个头好晕。」追问拍拖经验时，他又滔滔不绝：「中学时初恋拍咗拖10个月，因为相隔两地分开，(佢个样系点？)咪一般中学生样，邻家女孩，(想唔想同将来女朋友整吓蛋糕？)都好呀！或者自创薯片蛋糕。」AB唔介意女友爱食甜嘢，最好食埋佢𠮶份。佢又突然好想食梁祖尧整嘅嘢，「听闻佢有个甜品整得好好味。」由于AB顾住吹水，时间关系要赶住埋尾，仲唔小心整烂砌花衬饰，但为咗突围，他忽发奇想加咗花瓣喺蛋糕侧面，虽然变咗缩水版艺术蛋糕，同导师嘅制成品有距离，但他仍满心欢喜将第一次制成品带返屋企畀婆婆。