头条独家丨姚炜帮拖做嘉宾鼓励张伟文 退隐歌坛40年 曾生无可恋放弃自己
更新时间：11:27 2021-11-10 HKT
发布时间：01:00 2021-11-10 HKT
发布时间：01:00 2021-11-10 HKT
字体大小
向张伟文传福音
72岁的姚炜姐亦被方俊的出钱出力所感动，知道张伟文需要开演唱会赚个钱傍身，决定为他举行的3场演唱会任嘉宾，台上跟张伟文合唱《楼台会之六》，姚炜姐强调今次纯粹系撑张伟文，不论拍戏及唱歌都唔会复出。日前方俊首次约埋姚炜姐同张伟文茶聚，两人兴之所至清唱两句《戏凤》，即席夹歌。姚炜又试图向张伟文传福音，希望借助宗教力量令张伟文可以企返起身：「佢年纪唔算大，但日日坐喺轮椅发吽哣，身体只会愈嚟愈差，我都想鼓励吓佢郁多啲，尽量试吓起身踎低。」姚炜姐又赞张伟文把声咁靓，唱歌咁好，「希望帮到佢企返起身唱歌。」不过方俊指伟文双脚麻痺已经企唔到。张伟文就表示「唔敢谂！企喺度唱歌会有危险！不过，前辈咁帮我都好感动。」闲谈间，张伟文又提到已故双亲一度悲从中来，要姚炜姐开解。
原来作为基督徒嘅姚炜同郑秀文有段小故事：「当年咁啱我喺电梯内撞到郑秀文，睇报道知佢有情绪困扰，虽然互不相识，但都鼓起勇气邀请佢去查经班，点知佢一口答应仲即时带埋佢过去，及后Sammi比我更早成为基督徒，𠵱家Sammi仲成日帮有需要嘅人祷告。」问到伟文想唔想Sammi帮他祈祷？伟文却说：「我系无神论者唔信呢啲，但我接受得到。」姚炜姐觉得传福音畀有需要嘅人会容易啲，「好似我咁都系60岁先喺约旦河洗礼。」她又向张伟文分享信主前悲惨人生，曾因事业低潮、患癌及婚姻触礁感到生无可恋，曾服食40粒安眠药、加一杯白兰地及割脉三料自杀，但获救后仍自暴自弃，沉迷赌搏，输咗成千万：「𠵱家我生活状况好到不得了，帮到人经已好开心，如果凑到一个人真心信主仲好过中彩票，而喺信仰下同赵式芝嘅母女关系都修返好。」
最Hit
长生津覆检开始！长者注意紫色通知书 未如期申报或被暂停津贴（ 附最新资产限额＋填表须知）
2026-04-03 19:21 HKT
买彩票赢近2500万元海景豪宅 幸运夫妇住半年「嫌太大」 决定放售套现换楼
2026-04-03 16:45 HKT
