港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

头条独家丨亚姐季军范莎莎独爱吴亦凡阿妈迫婚月赚几千少过「阿仪」

即时娱乐

更新时间：10:36 2021-11-01 HKT
发布时间：00:00 2021-11-01 HKT

唔使隆胸Zaza三围系32A、25、36，虽然得A cup，但强调够用，唔需要隆胸。

2019年亚姐季军兼「最上镜小姐」范莎莎(Zaza)于英国及荷兰留学，懂6国语言，有样之余仲有高学历。不过，Zaza在亚视三年，每月只系𢭃亚视四位数底薪，收入少过爆晒骚，月赚几万嘅「亚视一姐」薛影仪，非常唔够使唯有教小学生韩文帮补吓。Zaza坦言有好多追求者，而妈咪亦好肉赤个女挨得辛苦但人工鸡碎咁多，不时催她快啲揾个「郑嘉颖」，做少奶奶「陈凯琳」算嘞，但Zaza眼中只有吴亦凡。采访：方骞平摄影：叶君

跑数维生Zaza喺亚视月赚4位数字底薪坦言唔够使，要跑数维生。

最爱亦凡Zaza觉得吴亦凡高大靓仔，韩文、英文、广东话及普通话都好流利，系做男友最佳人选。

24岁的范莎莎虽然上围只得32A，但她自爆异性缘一直好旺，裙下有「成熟队」及「年轻队」可拣。读大学时曾跟两位男同学陷入三角恋，由于要一齐对住做project，成日黑口黑面好尴尬，最后做返朋友算喇！

否认做「兵总」

范莎莎承认较热情，故成俾妈咪「哦」：「妈咪成日话我『你咁多男仔，我都唔记得啲名』仲好言相劝话『女呀！唔钟意就唔好玩人哋个仔啦！』」她却否认系「兵总」：「我唔『收兵』，『收兵』系有利用性，有物质上要求，喺我角度只系钟意识朋友，如果对方觉得系值，唔使要求都会送礼。而且喺男仔未表白前，大家见吓面，了解多啲对方性格再考虑有冇得发展。」Zaza不讳言唔会为一棵树而放弃一个森林，故择偶非常奄尖：「基本要大学毕业，可以讲到比我更流利嘅广东话及英语，最好背景同我差唔多，曾经喺外国留学，但唔一定好有钱，有高学历肯上进就得。试过有个男仔问返我啲唔算深嘅英文字，我怕大家沟通唔到而斩缆。」

双料得主Zaza(左)系19年亚姐季军兼「最上镜小姐」。

亚视一姐Zaza虽然有名衔，但月入较阿仪少好多。

一直爱吴亦凡

之前Zaza难得有机会喺新片《扫毒3》做个小角色，奉旨绕住郭富城臂弯做对手戏：「当时我好怕丑，唔敢同佢倾偈，但其实画家马兴文（Simon Ma）系我哋共同朋友，不过，城城都有指导我面对镜头嘅技巧。另外，曾客串《G风暴》就同到郑嘉颖及黄宗泽合作。」Zaza讲起郑嘉颖忍唔住笑：「我冇男朋友，但妈咪开始迫婚，佢叫我做Grace(陈凯琳)，做幸福少奶奶同时又可以兼顾到幕前，唔使做到咁辛苦。」不过Zaza却独爱涉嫌强奸罪，遭北京公安刑事拘留的吴亦凡，「其实吴亦凡出事前我好钟意佢，因为佢喺广州出生，住过加拿大，喺韩国出道，背景同我有啲似，而且够高大靓仔，但佢涉奸案令我大跌眼镜，只希望佢将来都可以翻到身。除此之外，我觉得张艺兴、黄子韬都唔错，(但英文程度未必好)哈！唔紧要，我train佢。」