头条独家丨导演陈雅莉赞周秀娜够瞓身 望《马达•莲娜》男女主角影展夺奖
更新时间：00:22 2021-10-29 HKT
发布时间：23:15 2021-10-28 HKT
发布时间：23:15 2021-10-28 HKT
字体大小
Emily在3年前已成功入围《金马创投会议》，当时已揾了周秀娜担任女主角，到去年底成功揾到投资者，她坚持女主角非她莫属，「呢个故仔我落笔写第一句『风姿摇拽女人着住旗袍，大家都觉得佢系性感尤物，佢笑面迎人去迎宾……』写呢句对白嘅时候，唔知点解脑海Chrissie形象出现咗，呢个角色要讲广东话好流利，但系要识家乡话，我知Chrissie系潮州人，同埋佢系个好倔强女人，睇落好硬正、好坚强，但系内心好脆弱，同报道见到Chrissie好似。」后来更多了个如哥哥耐心跟Emily沟通的男主角张继聪，「佢会同你倾，如果倾完你仲有啲导演嘅小任性同埋坚持，佢会支持你，同埋教咗我好多嘢，新导演可以同个咁close演员合作好开心。」
不理伤脚照演出
到正式拍摄，Emily更被Chrissie的瞓身演出吓到，「有场戏爆玻璃樽，佢要跪地跟住叫唔好，佢拍时入咗角色，完全系忘我，佢拍完个人系震，见到佢好痛苦，我好心痛系佢企起身时，发觉佢两只脚损晒，因为地下有玻璃有石头，我哋好惊同佢讲，佢话『冇嘢我唔痛呀！』拍佢报仇𠮶场戏，有个动作佢俾人挞落墙，但我哋冇武指，佢会话『嚟啦唔好搞咁多嘢拍啦！』佢一撞真系个头撞咗落墙度，我哋全部人都好担心佢，佢好全情投入去做𠮶件事。」
电影已入围意大利《远东国际电影节》竞赛单元及日本《日出国际映画祭》竞赛电影外，更成为《香港亚洲电影节2021》开幕电影，对于获影展垂青Emily当然鼓舞，但她更希望她形容如战友一样的两位主角可以有好成绩，「畀我反而系想观众睇见佢哋努力，佢哋可以获得一个认同咁系最开心嘅一件事。」
最Hit
长生津覆检开始！长者注意紫色通知书 未如期申报或被暂停津贴（ 附最新资产限额＋填表须知）
2026-04-03 19:21 HKT
在职家庭津贴2026/27｜4月上调入息资产限额 申请资格/津贴金额/一次性额外款项一文睇清
2026-04-04 11:53 HKT
