头条独家丨导演黄国辉赞廖启智加持生色 《一级指控》编剧鲍伟聪呻揾料难
更新时间：01:37 2021-10-28 HKT
发布时间：23:45 2021-10-27 HKT
发布时间：23:45 2021-10-27 HKT
字体大小
鲍伟聪以往都有拍法律戏经验，已习惯花很长时间做资料搜集，「我亲自约啲大律师见面，同埋上佢哋office去感受佢哋环境同气氛，剧情案件里面嘅细节程序，都不时咨询佢哋，比起其他戏嘅资料搜集都算多，起码亲自去揾大律师同佢哋沟通，人哋啲时间好宝贵，钱嚟㗎嘛！使啲人情，所以都算花功夫。」
政府助推动业界
提到已离世的智叔有份参与演出，黄国辉坦承有对方加持对电影有很大帮助，「智叔同Ken哥（曾江）呢啲演员，绝对帮到导演帮到套戏，佢哋有好好嘅想法同埋角度去睇，令到件事更加事半功倍。」对于电影因疫情推迟上映日期，令电影成为智叔遗作之一，黄国辉也感到很遗憾，「我哋失去咗智叔咁好嘅演员，而家上画，我深信首映佢会陪我哋一齐睇，希望智叔都满意。」
谈到《行政长官2021年施政报告》提出设立「文化体育及旅游局」，有助推动创意产业发展，黄国辉和鲍伟聪认为绝对是好事。黄国辉说：「政府提供多啲协助绝对好事，拍摄需要好多人帮手，多啲人去推动，譬如申请地方拍摄或者一啲安排，最简单街道封街，佢哋可以再多啲放宽或者协助。」鲍伟聪就提议仿傚其他国家城巿做法，「大陆都有，譬如某啲城巿鼓励创意产业，注册嘅影视公司可以免税几年或者低税务，因为而家最欠系投资，如果能够宽免到呢方面，甚至个诱因再大啲，鼓励更多唔系做呢行嘅资金或者投资者，吸纳呢啲资金去呢个圈，先至会更多作品，唔使喺库房度攞钱出嚟，用一啲宽减措施就得。」
最Hit
