港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

头条独家丨松冈李那升Cup 33D有意拍全裸写真传来港密会富商新欢急澄清

即时娱乐

更新时间：14:17 2021-10-25 HKT
发布时间：00:00 2021-10-25 HKT

靓「蜜桃胸」成为美容代言人后获送丰胸疗程，Linah嘅「蜜桃胸」由33C升到33D。

35岁日籍Model松冈李那(Linah)当年因为一对33D「蜜桃胸」在香港弹起，近年已返回日本投资开餐厅做老板娘。今年6月，Linah来港工作兼避疫，岂料被爆来港主要目的是密会美籍富商新欢。对于再被指情倾富商，Linah非常介意：「我唔系呢种人，如果我系要(有米男)真系有大把！」Linah唔多高兴，更暗示今次被人利用咗。采访：方骞平摄影：叶君海场地：Conrad Hotel Garden cafe

美容广告Linah收6位数拍美容广告，瞓晒身好进取。

健康态度Linah坚持女人有身材仲要有健康态度及思想。

最近Linah收6位数担任美容广告代言人，最开心有钱收仲有得赞助美容疗程，仲送埋丰胸，𠵱家Linah嘅「蜜桃胸」由33C升到33D。问到对升Cup身形系咪好满意？她即大笑说：「Never be perfect，因为来港要隔离三周，冇运动食完就瞓，肥咗5KG(11磅)，唔排除丰咗胸会重咗少少。」

个胸再大就会下垂
Linah仲话唔使再升Cup，觉得够皮。「再升怕波波会好重，会向下垂，所以都要戴返啲矫型bra，将啲侧面嘅肉推返向前，哈！最想推埋肚腩上个胸。另外想个pat pat大啲。」Linah于3年前出过写真集，𠵱家有加强版「蜜桃胸」会否挑战全裸写真？她坦言唔同年纪有唔同呈现嘅风格，都想继续影靓相，如果有艺术感可以考虑挑战全裸，但绝对唔会卖弄色情。

全裸写真3年前，32岁嘅Linah推出写真集《I'm Yours》，目前她有意拍唯美全裸写真集。

爱行「股」惑Linah同样拥有「蜜桃臀」，不过佢想pat pat再大啲。

第二次见面变新欢

Linah承认女人有好身材系会吸引到男仔，但外形唔系最重要，仲要有健康态度及思想。她说：「我都35岁啦！好老喇！要好好保养先揾到男友。」提到她在高级扒房密会富商「新欢」一事， Linah即跟富商划清界线：「我唔知佢系咪追求我，大家只系第二次见面，同枱共有10人，包括6个女仔，对我嚟讲只系一个普通饭局，当晚佢接咗我之后叫我坐喺佢隔离，大家一齐食饭，我冇谂过座位问题，而且当时部份人已埋位。但最唔明，点解第二次见面又唔系拍拖，就俾人影到仲变成『男朋友』，所以都好惊讶。」

Linah强调同男方冇可能发展，因为只系朋友，她再认真地澄清：「报道成日话我要揾个有钱仔嚟照顾生活，可能言语沟通出错，我意思只系话拣个令自己生活好啲嘅男人，由头到尾坚持感情及心灵沟通系最重要，但大家断章取义咗𠮶句对我唔公平，因为我唔系呢种人。如果我系要揾个有钱男朋友或者老公随时都可以揾到。」她更自爆曾推咗好多有钱仔追求。她最后还补充：「大家有眼见，过去同我拍过拖嘅男朋友(林德信)都唔系好有钱，咁样写会令人误会我贪慕虚荣，关乎人格问题我比较介意。」