港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

头条独家丨林子杰演舞台剧唔使再食软饭 Buber做侍应赚钱交租

即时娱乐

更新时间：01:01 2021-10-08 HKT
发布时间：01:02 2021-10-08 HKT

林子杰及麦咏楠见疫情缓和仲有工开都好兴奋。

一年前张纹嘉（Crystal）和男友林子杰(Ronald)喺ViuTV节目《调教你男友》中真情剖白，Crystal仲爆喊发表「软饭论」支持男友，睇到观众好动容。好彩疫情过后，Ronald多返Job，本月22至24号于沙田大会堂演出5场舞台剧《Hello》，Crystal畀咗唔少意见。采访：方骞平摄影：沈健程

剧中讲人鬼情，林子杰及麦咏楠奉旨亲热。

《调教你男友》中张纹嘉爆喊表明唔介意男友为追梦「食软饭」，但唔好食咁耐！

舞台剧《Hello》改编自蓝橘子网上微小说《与女鬼的同居日常》，讲市井打工仔阿杜死悭烂悭终于喺30岁前上到车，点知个单位除咗人住之外，同屋嘅仲有女鬼小善，最后仲发展成人鬼恋。《Hello》由林子杰、《全民造星III》嘅参赛者麦咏楠(Buber)担当男女主角，以及演过电视剧《暖男爸爸》的李建邦。

林子杰坦言喺父荫下得到物业，可以跟「前辈」过住同居生活。

Buber之前有机会跟郑伊健拍电影。

Crystal畀好多意见
30岁前Buber终于改善到生活，由旺角㓥房搬咗去住村屋，相对负担大咗，所以疫情其间为咗交租走去做cafe侍应，今次系疫情过后做嘅第一个舞台剧。Ronald就比较好彩，去年靠《调教你男友》效应做KOL，至今年初都有做返舞台剧，虽然只坐得5成观众，但总算有工开，唔使「食软饭」！他开心表示：「『前辈』(女友)有嚟睇我哋排戏，佢睇住我长大，而且好专业，唔介意我同Buber有亲密戏份，仲会用观众角度畀好多意见，好似多咗第3只眼咁。」导演唐浩翔话系好事，有时投入落去唔知有盲点；Buber未知舞台上会有几亲热，交由导演话事。李建邦笑言其角色好重要，负责喺故事中穿插及剥花生。