【头条独家】全港至索马评员 「巨乳邓紫棋」Mangie想做女版姜涛
更新时间：16:24 2021-09-11 HKT
发布时间：23:45 2021-09-10 HKT
发布时间：23:45 2021-09-10 HKT
字体大小
Mangie这年主力做赛马评论员，虽然她唔肯定有冇多了大叔fans，但新工作令她好有满足感，仲间中买马有斩获，「以前睇只马名或者号码lucky唔lucky，但而家会专业啲，睇只马档位或者跑开啲咩路程，了解多啲资讯，就会易啲估边只马赢，最叻一次我用4百几蚊赢咗3万几蚊，我自己研究㗎！有人跟我买赢咗都好有成功感，我有心水都会畀一两只贴士朋友，佢哋赢到我会叫佢哋捐番啲钱去做善事。」
恨似周迅有戏演
除了靠「彩数」，Mangie强项当然是「胸涌」身材，最近在ERROR《我们不Chok》MV继续靠32E巨胸抢尽风头，不过她解释并非专登露出5吋事业线出位，「导演叫我求其拣件衫，佢话要着一啲夜蒲嘅感觉嘅衫，𠮶件我唔知啱唔啱，但去到发觉其他人唔系咁着，但我又冇带其他衫，咪唯有继续咁样着。」讲到保锜亲自揾，但只收车马费演出，Mangie完全唔介意，「有时演出唔系为咗酬劳，我更加享受我可以参与到，令到大家可以见多我一面。我好欣赏佢哋（ERROR），今次系保锜叫我去拍，《鬼同你上位》已经同佢哋合作过一次，佢哋真系好搞笑，拍MV时候真系觉得佢哋好Charm，尤其系肥仔跳舞时份自信，我真系要好好向佢学习。」
Mangie参与不同演出，就是希望成为全方位艺人，好似姜涛一样得到fans追捧，「我想做女版姜涛，我都好想有fans送好大个billbroad畀我，佢之前肥，变瘦咗就多人钟意，我都要学佢𠮶份毅力。（佢减肥日食一个苹果㖞？）我都得㗎！如果个苹果大啲嘅话，哈哈！我都想做一个全方位艺人，所以先至咁努力做咁多唔同嘅尝试，激发自己潜能出嚟，我自己掂㗎！细个歌唱比赛都有拎过奖。（唔参加《造星IV》？）《造星》竞争太大，自己练习多啲先。（27岁怕唔怕时间冇多？）年纪大啲我就会有啲成熟味道，而家连阿仪（落选亚姐薛影仪）37岁都可以，我而家对前途好有憧憬，没有不可能嘅事。」不过Mangie最想好似偶像周迅，「佢有气质之余，做戏真系好好睇，我好钟意睇《撒娇女人最好命》，可惜冇人发掘我演戏呢一面，我都好想试吓，我想将我乐观搞笑嘅正能量加入演出度，令大家都可以感受我嘅乐观同快乐。」
最Hit
