港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】真人骚《煮战》收视报捷大厨保哥比试厨艺唔怕老猫烧须

即时娱乐

更新时间：23:52 2021-09-02 HKT
发布时间：23:37 2021-09-02 HKT

(后左起)参赛厨师菲菲Ka Sing及Alan大赞名厨保哥(前)教佢哋唔少嘢，获益良多。

由两位大厨张锦祥及黄亚保领军12位厨坛精英，争夺冠军宝座嘅真人骚《煮战》收视报捷，上周平均收视有15.7，保哥觉得受欢迎全因衣食住行离不开饮食，团队idea又创新；有得留低出战Round 2嘅Ka Sing及菲菲就话自10年前《大厨出马》后冇呢啲真人骚，观众会觉得好新鲜；Alan笑住大赞节目既学到嘢又好玩。采访：方骞平摄影：沈健程

Alan做嘅冰火二重奏创意无限，队长保哥及Ricky都赞好。

Alan构思嘅主题煲仔创意菜，「当火焰红虾遇上冰镇千丝」为佢赢得出线机会。

由张志明监制嘅真人骚《煮战》愈嚟愈精彩，以味道交锋暂时选出5强Ka Sing、菲菲、Alan、Anson、咏仪，除咗参赛者厨艺够吸引外，主持人江美仪与参赛者强哥喺节目上互窒；Ricky大闹入室弟子菲菲失手；Carlina切亲手指等都增加了不少火花，观众睇得既刺激又开心，收视节节上升，而下周二开始嘅Round 2，两组队员更分别挑战队长张锦祥（Ricky）和中厨黄亚保（保哥）。

首次比赛嘅菲菲好紧张，仲落漏咗咸蛋黄，要老公到场为她打气。

Ka Sing配合「辣椒大变身」主题做出「炭烧擂椒皮蛋」，连鼎爷都赞好。

享受比赛又学到嘢
保哥唔怕会老猫烧须输畀挑战者，他谦虚笑说：「佢哋嘅厨艺一啲都唔逊色过我，又有新思维，尤其钟意Alan嘅煲仔饭，佢用干冰冰镇咗水果及凉瓜做小食头盘，评判食完呢道开胃菜再食煲仔饭会好食好多，咁嘅做法真系洗晒脑，所以就算作为队长，都有好多嘢未见过，就算做个有埋甜品嘅学生餐盒，我都冇佢哋谂得咁精密，仲要计埋营养同卡路里。不过，我温馨提示佢哋，唔好将自己嘅地位放得咁高，要代入评判同食客客观啲去睇，因为自己喜好唔代表评判钟意，而且好似运动员咁放松心情就能发挥到水准。」Ka Sing视今次系交流同学习机会，所以袋到唔少嘢点都赢晒；首次比赛嘅菲菲紧张到阵脚大乱，首轮赛事仲落漏咗咸蛋黄；相反屡战嘅Alan就淡定得多，笑言会继续享受比赛。