港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】《声梦》形象总监揭秘闻　陈灏而睇好炎明熹成Fashion天后

即时娱乐

更新时间：11:13 2021-08-20 HKT
发布时间：23:00 2021-08-19 HKT

Janae指《声梦》造型特意采用香港Designer的作品。

《声梦传奇》赛果上月揭盅，最终16岁炎明熹（Gigi）成三料冠军。早于比赛初期，Gigi凭招牌齐荫头及凤眼妆，火速令观众留下深刻印象，原来幕后功臣正是节目形象总监、资深造型师陈灏而（Janae），她大赞Gigi十分专业，且外形似足Model又有时尚触觉，深信可成为下一个Fashion天后！访问中，Janae又大爆众学员私下可爱一面。撰文：黎宝伦　摄影：张咏森　发型：Michael Yu@Base 8　场地：@MODEMENT

Gigi睇落Cool Cool哋又慢三拍，Janae指对方只是属思考型。

Janae大赞Chantel有礼貌又可爱，绝无公主病。

众参赛者中，陈灏而指炎明熹最少要求，皆因Gigi对她的信任度很高，「我哋拣嘅嘢都好相似，佢Fashion sense好高，有呢个感觉先Carry到啲衫同发型，冇就演绎岀嚟好古怪。佢喺IG摆相会解释埋件衫，我谂佢同郑秀文、王菲一样好钟意时装，先可以做到一个好Trendy、Icon嘅Superstar，我觉得佢做到。」

Chantel嘴仔有薯片碎
人称「国民初恋」的14岁姚焯菲（Chantel），Janae形容俨如为女儿装扮，「有次放饭返嚟做Touch up，佢条圆领裙歪咗少少，个嘴仔有少少薯片碎，好似小朋友咁好可爱。」她又大赞家住半山兼有个富爸爸的Chantel很有家教，「佢好有礼貌、讲嘢好世故，但私下似10岁，蹦蹦跳，所以佢着裙，后台又多布景，我哋好似醒狮咁拎住。」钟柔美（Yumi）就似「电兔仔」，镜头前好有活力，私下却是柔弱女仔，「佢喺化妆间挨住妈咪懒懒闲玩手机，你唔会见到佢好紧张背歌词，但上到台系另一个人，好有型。」

Janae形容Yumi为「电兔仔」，一上台好有活力。

Janae笑指修身成功的Archie最贪靓。

至于冼靖峰（Archie）比女仔更贪靓，Janae笑道：「佢全日追住我哋问扣唔扣纽、插唔插袋，你永远见到佢闪嚟闪去照镜，都几自恋。」对于传GiGi、Chantel、Yumi和文凯婷（Aeren）组港版BLACKPINK出道，她认为要打造女团就要再执发型，｢GiGi要慢慢留番长个阴，佢唱功较好，可以做Rosé；Chantel柔少少可以做Jisoo；Yumi系Lisa同Jennie之间，佢好跳得、唱快歌好得。｣