港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】赞涂毓麟靓仔有内涵识投资戴祖仪唔拣细过自己嘅人拍拖

即时娱乐

更新时间：00:52 2021-08-18 HKT
发布时间：00:24 2021-08-18 HKT

戴祖仪及涂毓麟合唱新歌，两人不时互窒俨如情侣。

TVB跟环球唱片今年3月破冰，两间公司相隔11年再合作，分别派出戴祖仪（Joey）及涂毓麟（Oscar）合唱新歌《我们再不讲再见》。对于被委以重任，Oscar笑说：「咁啱得咁桥啫！」Joey就话多得两间公司大佬畀机会新人，而她跟Oscar都几合衬。采访：方骞平摄影：梁志明场地：Red MR@湾仔杜老志道

Oscar久经Joey训练，唔再咁怕丑。

两人合唱新歌《我们再不讲再见》好有火花，获赞有「CP感」。

《我们再不讲再见》嘅主题讲「重逢」，MV中旧情人Oscar与Joey喺婚礼上重遇，大家各自担任好友嘅兄弟姊妹，两人重聚勾起昔日甜蜜回忆。初次合作，Joey及Oscar获赞有「CP感」，前者指不论外形、身高及声音都算合衬，而且唔介意互相挖苦，好倾到偈。

Joey喺《刑侦日记》中演创伤后遗症病人获Oscar赞好。

Joey同丁子朗喺无线新剧《青春不要脸》中有嘴戏。

Joey笑Oscar虚伪
22岁的Oscar话两人唔使彩排都好有默契，26岁的Joey自爆说：「系呀！我哋私下会枪口对外，如一齐闹爆边间餐厅啲嘢唔好食，边只股票唔上升。」Joey仲「投诉」Oscar愈嚟愈乞人憎，两个月前仲系好纯好乖，反应迟钝到可以恰他，𠵱家唔同晒。对此，Oscar即交波说：「我对得你多嘛！」平日好少开口赞人嘅Oscar，大赞Joey喺《刑侦日记》中演创伤后遗症病人做得好，Joey就欣赏Oscar高大靓仔、有内涵、学识高、又会投资及弹琴、怕丑得嚟又讲得笑：「可惜接受唔到我比男仔大，佢唯一输喺年龄上。」Oscar就冇一个择偶标准，主力睇对方内在美及性格。Joey忍唔住直斥他虚伪：「边个睇人唔睇外表先啫？」Oscar只好补充：「咁当然先会过滤，但我坚持揾对象要由朋友开始。」