港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】与Dash黄丹仪送《最耀眼》别恩师 Hey Joe Trio提唐奕聪爆喊

即时娱乐

更新时间：22:44 2021-08-10 HKT
发布时间：00:00 2021-08-10 HKT

五人提到Gary时，仍难免伤感。

已故太极乐队成员唐奕聪（Gary）于今年3月2日因心脏病发逝世，他跟黄丹仪和C.Y.Kong组成的公司旗下乐队Hey Joe Trio最近推出新歌《最耀眼》，向恩师Gary作最后道别，揾来Dash（谭健文）@Mr.合唱，黄丹仪亦有份监制。虽然作品走轻松路线，但五人访问时提到Gary仍难掩伤感，Hey Joe Trio成员Sam为了一张相更一度爆喊。撰文：杜淑霞摄影：谭壹致发型：Jair Tsou@Salon De Lotus（Joe）

Hey Joe Trio（左起）的Sam、Patten、Joe认为Gary的教导已入血，自然融入他们的创作上去传承落去。

Sam提到未能跟Gary合照时，一度爆喊。

最初Hey Joe Trio只想送首歌给恩师Gary，将歌曲交给监制C.Y.Kong后认为很有意思，于是揾来Dash合唱，黄丹仪亦参与编曲，成员Patten说：「好似一首欢送会嘅歌，用我哋嘅力量畀Gary最大嘅祝福。」提到跟Gary回忆，Dash踢爆Sam为了未能跟Gary单独合照耿耿于怀，Sam说：「我加入时间唔系好长，得两年，同唐生经历亦都唔多，收到消息𠮶刻都feel到身边嘅人应该会唔开心……（喊）」Joe补充：「好多人一齐合照就有，冇谂过净系我哋几个去影合照。」Dash安慰他们，「合照呢样嘢好物理，但系你哋写得歌词讲回忆最紧要，（黄：回忆里再会面）你哋有呢个谂法系遗憾，应该庆幸人生历程遇到过Gary，所以唔需要太介怀。」

Patten和Joe跟Gary合照都是一大班人。

在Studio拍MV时，勾起Hey Joe Trio和Dash对Gary不少回忆。

当同Gary讲Bye Bye

Mr.出道以来，Gary一直是乐队御用监制之一，Dash跟Gary回忆亦不少，他亦视对方为恩师，「我好庆幸好耐之前Gary将佢Studio后备锁匙畀咗我，𠮶时觉得冇乜嘢，攞住条锁匙点解会咁难受，因为条锁匙系代表咗一种信任，几个成员净系畀我，引发我好多灾难性嘅伤感，因为𠮶条锁匙加埋佢太太令我觉得唔可以再系崩溃落去。」跟Gary合作20多年的黄丹仪，提到老拍档仍不时忍不住喊，「其实都多谢佢哋（Hey Joe Trio），畀个机会我同Gary讲Bye Bye，发生事几个月都揾唔到一个方法宣泄，C.Y.Kong叫我帮手执呢首歌个琴，最初唔知个背景系送畀佢，弹弹吓认真听到份歌词，冇办法就崩溃，我呢段琴当系同佢最后讲Bye Bye嘅message。（边弹边喊？）喊呀！无数次，之后再听番佢哋录完之后一路流泪，听到不下几十次都会喊。」