【头条独家】唔再嬲前度出轨送祝福赖嘉贤撑保锜唔似八両金

即时娱乐

更新时间：23:17 2021-07-23 HKT
发布时间：21:17 2021-07-23 HKT

赖嘉贤见过鬼怕黑，下个择偶条件要孝顺及唔好花心。

今年初ERROR成员吴保锜被爆背住模特儿「正印」赖嘉贤（Carrie）偷食张沛乐（沙律），Carrie嬲爆喺社交网发文连环追击，最后保锜要停工过冷河。事隔半年一切回复正轨，Carrie冇再嬲，仲祝福及鼓励前度要继续努力。采访：方骞平摄影：梁志明场地：丸十手和寿司

赖嘉贤唔再嬲保锜，亦唔介意将来合作。

Carrie日前做寿司店一日店长，亲自做寿司畀女影迷食。

重提旧爱，Carrie承认当日真心嬲同埋伤心，所以表达得好激动！不过而家已经冇放喺心，问到系咪真心原谅咗对方？她说：「咁都相爱过，做人唔好回望，要有新生活及工作，我都想前进！我都有睇《ERROR自肥企画》短片，阿Dee嘅『凤凰不死鸟』好好笑。」

觉得保锜似汪东城
对于保锜同沙津经常放闪，Carrie大方说：「佢哋OK咪OK啰！我戥佢哋开心，亦期待下个等紧我嘅人，唔介意将来合作演出。」不过，Carrie表明唔会钟意花心男，但作为超级外貎协会，会钟意返靓仔。对于保锜曾不忿被指似八両金开IG直播爆粗闹网民！对此，Carrie为前度护航：「我唔觉得佢似八両金，讲真我曾赞过佢似《飞轮海》成员汪东城，其实唔好似人，有自己风格最好，喺拍拖期间我畀咗唔少信心佢。」