港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】剑击代表首度参加奥运佘缮妡以平常心冲击奖牌

即时娱乐

更新时间：00:42 2021-07-22 HKT
发布时间：23:04 2021-07-21 HKT

在大学选修商科的Kaylin，对做KOL都有兴趣。

20岁奥运剑击港队成员佘缮妡（Kaylin），6岁开始接触这运动，由最初不懂打法，到成为全职运动员代表香港拿下不少奖牌，她坦承已离不开这项运动。今届东京奥运首度出战的她，坦言好想冲击奖牌，但不想给自己太大压力，会以一向参赛的平常心态去面对，因她认为过程得着重于胜负。撰文：杜淑霞摄影：谭壹致场地：五粮液大酒家

曾经因太攰想过放弃剑击的Kaylin，现在已不能放弃。

今次首度参加奥运，Kaylin虽然想夺奖，但不会给自己太大压力。

从小男仔头性格的Kaylin，6岁被妈咪安排下学剑击，「好搞笑，𠮶阵时读书要拣一个课外活动，唔系我拣系妈咪拣先『你咁男仔头不如试吓』，我𠮶阵时钟意整啲纸嘅剑同枪，钟意同啲男仔玩。」最初她对剑击只是一知半解，转捩点是12岁时教练建议她由花剑改打重剑，「佢见我乱咁打唔跟住进攻同反攻去打，重剑一拮到就有分，如果同对手同时拮到大家都有分，其实系好似斗，对手唔好掂到你，但你掂到个对手咁，我好钟意呢种感觉。」往后Kaylin成绩愈来愈好，更以14岁之龄，挑战亚洲23岁以下锦标赛，「唔记得攞咗第三定第四，加埋其他年龄赛事排名，就开始入咗体院训练，都好惊，23岁以下即系有啲20、21岁嘅师姐，同埋都冇谂过咁快会入到体院去练习。」

Kaylin父母虽然支持她追寻梦想，但当年她转做全职运动员一度有分歧。

过了一年大学生生活，Kaylin感觉是好青春，「之前系全职运动员，根本冇时间过一啲正常学生生活。」

不能放弃剑击

Kaylin在16至19岁成为全职运动员，直到去年到美国入读圣母大学（University of Notre Dame）商科，她直言曾经因太攰想过放弃剑击，但一次受伤休息几个月后，反而令她认清不能放手，「我会打唔到先至唔打，除非有啲伤令我冇办法打到落去。」对于今次首度参加奥运，Kaylin虽然想夺奖，但不会给自己太大压力，「去到奥运梗系想攞牌，奥运系运动员生涯最Top嘅比赛，系人都想攞奖牌。心情系好紧张，但又好想打比赛，因为已经成年冇打过比赛，除咗喺美国打过美国大赛，冇乜大赛见到其他国家对手，所以好期待。好多人问我有冇信心同目标喺边，我谂谂吓觉得都系唔好谂太多，谂得太多变咗太紧张唔系咁好，应该用平常心态去面对。点讲都好，过程重要过你去赢，打咩比赛都好，如果打得唔好去赢，你都唔会知赢啲乜嘢，过程入面学到多啲嘢，你知边个训练模式最适合自己，咩嘢帮到你或者对你冇咁好，过程好重要，系令你成长同埋成熟。」