【头条独家】只身来港追梦挨到患情绪病 龚柯允认定音乐是一世工作
更新时间：23:37 2021-07-01 HKT
发布时间：23:00 2021-07-01 HKT
发布时间：23:00 2021-07-01 HKT
字体大小
出道后曾到台湾发展的Karen，09年来港到《超级巨声》踢馆成功，即签约公司留港发展，可惜一年后公司结业唯有再返马拉，之后攞住少量储蓄只身来港一搏，当时只可寄人篱下，租住朋友家得60呎房间，「因为系寄人篱下，我活动范围喺间房入面，惊嘈到隔篱夜晚唔敢创作，对住四面墙，情绪系好低落，有啲情绪病出咗嚟，喺啲狭窄空间会突然头晕想呕，搭䢂会突然呼吸唔到。好迷茫唔知点算，整咗首歌《做我自己》，决心同自己讲要喺香港发展。」为了悭钱她连食嘢都悭，「一个饭盒分两餐，下晏食完夜晚再食。」
签新公司感觉幸福
挨足两年，13年Karen积蓄差不多用光，本来揾赵增熹老师帮手搞工作签证方便揾工，结果老师签她做音乐，「真系好感恩，赵增熹老师伸出手扶我一把，𠮶时我最黑暗嘅时候。」7年间她有做文职帮补收入，但依然冇想过放弃梦想。之后转做独立歌手遇到《造星III》，就算她已婚仍把握机会，「我唔会谂因为结婚，要去放弃理想或者梦想，而我唔会因为年龄局限，而去阻止我去做任何嘅嘢，好似《造星》，我属于成熟𠮶批，哈哈！我唔会因为咁有咩包袱。」
《造星III》令Karen认清自己不足，跟彭秀慧上堂学表演令唱歌水准有提升外，更有机会签约新公司，她坦言感觉前所未有的幸福，「之前太辛苦，一个人做咁多岗位，𠵱家新公司『天盟娱乐』有专人去负责，又会畀我上堂去增值。最幸福可以专注番喺音乐嘅创作，唔会咁分心，有种受宠嘅感觉。我好感恩，冇谂过呢个年纪可以继续去做，好不可思议，呢个系我参加《造星》嘅statement，那怕我年纪再大，都唔可以放弃，女人咩年龄都好靓。（唱歌系一世工作？）系！好似减肥一样，哈哈！我为咗佢牺牲嘅嘢太多。」
最Hit
长生津覆检开始！长者注意紫色通知书 未如期申报或被暂停津贴（ 附最新资产限额＋填表须知）
2026-04-03 19:21 HKT
买彩票赢近2500万元海景豪宅 幸运夫妇住半年「嫌太大」 决定放售套现换楼
2026-04-03 16:45 HKT
