港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】《疫后冲游》冬荫妹继续晒身材胡慧冲烈日下拍摄晒㶶脚

即时娱乐

更新时间：00:15 2021-05-07 HKT
发布时间：22:17 2021-05-06 HKT

胡慧冲同冬荫妹齐拍嘅《疫后冲游》现已于J2台播出。

疫情下冇得出外旅行，观众对旅游节目需求更大，「泰国通」胡慧冲(Roger) 的《冲游》系列第六辑《疫后冲游》成为J2台重点节目。新一辑唔止提供疫情后泰国嘅新资讯，仲会加重料，如加多咗好拍档冬荫妹着泳装，大晒32C上围及39吋长腿片段。胡慧冲笑说：「虽然冇靓仔睇啫，但都有靓女、靓衫、靓景睇呀！」睇咗当去咗，所以观众反应唔错。采访：方骞平

冬荫妹喺布吉岛负责介绍酒店，仲喺池边大晒32C、26、36身材。

今次节目要求好高，就算冬荫妹嘅泳衣都尽量件件新款，要畀大家有新鲜感。

《疫后冲游》现安排于J2台，逢星期一、二、四及五晚九时半播出。今次胡慧冲拍足两个月，分别去咗曼谷、曼谷旁边嘅佛统府、巴堤雅、布吉岛取景，介绍一吓疫情下经营嘅特式餐厅、staycation酒店等、仲会探讨吓港人熟悉嘅旅游蒲点翟度翟weekend Market丶唐人街、昔日著名夜市Neon Night Market等最新状况和逆市求存方法。

泰国疫情第二波过后，大家都出外揾食，小贩割价求存吸客，街边打边炉不设时限，任食都系一百多铢(45港币)一位！

曼谷新开飞机咖啡店，乘客可以租用机师及空中小姐制服影相。

为做节目系咁病

因为拍摄时正值喺疫情缓和时候，跟现况有啲出入，胡慧冲笑说：「唔紧要啦，睇咗当去咗！」他又透露样靓身材正嘅冬荫妹，今次再玩尽啲，唔止喺酒店畅泳，仲会扮丑样、用广东话跟他互寸，好有火花：「自从拍完比较严肃嘅节目《你还好吗？》后，我患咗『对白NG症』，呢个症状带埋嚟呢个节目度，尤其同冬荫妹一人一句讲广东话，第一集开头NG咗接近100次。」问到系咪畀冬荫妹喷血身材影响分咗心？他笑住否认：「唔会喇！我喺现场要兼顾咁多嘢，点会𥄫佢身材呀！而且合作咗六辑，冇呢啲谂头。」不过，Roger今次对自己要求多咗，仲拍到晒㶶咗双脚，更因频频出入一冷一热地方搞到病咗3次：「疫情下唔知几时通到关，但最重要观众睇得开心，尤其𠵱家TVB综艺节目由『掌门人』曾志伟揸fit，佢最钟意娱乐同欢笑，将旅游节目搞得开开心心咪好啰。」