【头条独家】拍《空肚讲宵夜》擦出真友情 梁祖尧陈俞希蔡瀚亿恨有现场观众
更新时间：01:34 2021-04-30 HKT
发布时间：18:19 2021-04-29 HKT
发布时间：18:19 2021-04-29 HKT
字体大小
原来未拍节目前，阿祖、Hailey和BabyJohn根本不熟，甚至互不相识，但来到现在观众都有同感，看到他们就似去了朋友屋企，边煮嘢食边吹水一样，阿祖都承认觉得现在拍《空肚》愈来愈容易，因大家愈来愈熟愈有默契，「扮都扮唔到！」BabyJohn补充：「唔单止系扮唔到，唔系呢三个人撞埋一齐，就可以撞到呢个火花出嚟啰！呢个都系喺一年入面我哋建立嘅嘢，要好好珍惜嘅一件事嚟！」阿祖和Hailey都一同点头。
观众主动要求叫「八婆」
不单是三人由唔熟变熟，观众亦一样，BabyJohn说：「以前行出街会话睇过你边部戏，𠵱家全部都话我认得你《空肚讲宵夜》嘛！有次爆咗呔，问车房可唔可以整，『你呀！驶入嚟啦！好耐冇睇到节目咁好笑！』𠮶吓都几窝心，仲话个个星期追。」阿祖说：「有条女无啦啦走过嚟『叫我八婆！』咁犯贱做人做到迫我嗌你八婆嘅！啲人好似好熟咁，搞到我都有啲尴尬嘅，佢哋睇个节目时候以为我哋识，但你唔记得咗，我哋真系唔识你㗎嘛！」
既然三人拍得开心，观众亦睇得过瘾，当然不希望节目停，展望未来他们就各有谂法。阿祖说：「有观众成日话想加到一个钟，又话加到晚晚都有，我觉得唔得呀！晚晚都有，我会变咗450磅，咁样食法真系搞唔掂！（加到一个钟呢？）由佢吊住佢瘾，佢觉得唔够喉咪好啰！」Hailey说：「我就好希望请到现场观众，几个嚟到现场睇吓，食吓嘢都好开心呀！希望疫情过后可以做到！当然飞去唔同国家梗系冇问题啦！（之前都试过国家主题）可以亲身去到，真系要日日食㗎！（望阿祖）你OK吗？」BabyJohn说：「去到外国就唔惊塞车㗎啦！（阿祖：都唔系㗎！曼谷都好塞㗎！）又关你事都唔系你揸！」Hailey说：「你都喺架车度瞓，到就叫你落车食嘢啦！」阿祖：「你哋咁恨出外地，我真系唔恨，如果我哋自己三个去旅行我就开心啰！出去拍嘢好辛苦！哈哈！都冇时间玩嘅！（系咪同阿Dee拍《老板唔易做》之后怕咗？）拍𠮶个之前都怕，冇咩捞佢揾我咪做啰！拍完都好玩嘅，但真系好辛苦！」Hailey说：「一系我哋照去拍，之后stay behind多几日啰！」BabyJohn说：「佢会同你讲『我哋不如去完个旅行我走先，你哋两个自己拍啦！』哈哈！」
最Hit
长生津覆检开始！长者注意紫色通知书 未如期申报或被暂停津贴（ 附最新资产限额＋填表须知）
2026-04-03 19:21 HKT
在职家庭津贴2026/27｜4月上调入息资产限额 申请资格/津贴金额/一次性额外款项一文睇清
2026-04-04 11:53 HKT
