港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】为养家入行仍不辞OL工《造星III》Cloud想同靓仔男友合唱

即时娱乐

更新时间：23:28 2021-02-03 HKT
发布时间：23:30 2021-02-03 HKT

Cloud入行后，希望做一个不同面向的歌手，「譬如可以唱到一啲好治愈嘅歌，同时可以唱到一啲令人好轻松、休闲、想un吓嘅歌，嚟紧都会想出一啲cover或者自己嘅歌。」

Cloud（云浩影）在《全民造星III》虽然未能打入三甲，但她成为观众票选冠军已好满意，更以向来鬼马贴地态度笑言反正冇奖品。虽然得到观众喜爱令她决心入行，但参赛令积蓄干塘，有养家压力的她未打算辞掉文职工作。而暂时未签公司的她，更有意跟靓仔男友Ryan合唱cover满足「迷云党」，又笑言做埋男友经理人，不离搞笑本色。撰文：杜淑霞摄影：张咏森发型：Wing Wong (The Attic) 化妆：Leo Tam 服装：服装:b+ab 场地：The Stadium (Kwun Tong)

Cloud提到做男友Ryan经理人推job，笑得劲开心。

23岁的Cloud中四参加歌唱比赛认识男友Ryan，两人已拍拖7年。

对于总决赛成为票王，Cloud坦承加强入行圆歌手梦决心，「首先好感激大家咁支持我，初初抱住低调去参加比赛心态，通过呢个节目完咗去教唱歌、教琴，所以喺节目度会戴眼镜，好低调，冇谂过人会钟意，会投票畀我，呢个系最大得着，最尾攞唔到三甲都好开心，因为𠮶晚嘅表演自己都系开心，亦为自己未来提供一啲方向，三甲冇奖品，所以攞唔攞都冇乜所谓，如果有100万就唔同讲法。」

小六时，Cloud参加薛家燕旗下教育中心歌唱比赛得奖，有Coupon之下再去学唱歌，随后更成为儿童歌唱组合「Honey Bees」成员。

不过Cloud未有打算辞掉OL工作，因参赛令积储干塘兼要养家，「我好保险㗎！其实𠵱家巿道都唔好，如果有需要同公司请个假去专心做，两边兼顾辛苦啲，但可以做到。同埋有份稳定工作，安心先至可以做一啲好嘅音乐。屋企本身唔富有，妹妹读紧大学，爹哋妈咪工种都系啲辛苦工，所以自己作为家姐、长女有少少担当，为咗自己嘅梦想就去辞咗份稳定工系几自私。」积蓄所剩无几的她，又不想问男友Ryan或者家人帮手，「比赛之前储到差唔多6位数，但系𠵱家差啲4位数，好惨！（叫男友帮手？）我话想佢都会畀，但系唔想攞人啲钱，佢知道我需要咩就会静静鸡买𠮶样嘢畀我。」由Cloud中四参加歌唱比赛认识至今的Ryan，一直好支持女友，她又趁机再赞男友，更打算情侣档唱cover，「其实都倾过，佢唱歌好好听嘅，佢唱歌系可以做幕前，但未必唱广东话好叻。」提议她做埋男友经理人，她即搞笑话：「我帮佢推走一啲job，呢个女仔唔得，哈哈！」