港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

被Model冯镓潆公开追还钱张致恒周身街数贴文「卖小强」

即时娱乐

更新时间：14:36 2021-01-28 HKT
发布时间：16:00 2021-01-27 HKT

Steven育有两子分别系就嚟两岁的长子张天宝，及7个月大次子张天牧。

年半前，曾被爆一脚踏五船的张致恒（Steven）跟Fans雯雯结婚并诞下儿子「天宝」，由于贱男形象极差令他冇工开，要养家嘅Steven被指要周围借钱，关智斌及郑希怡亦共借出10万元给他解困。

争人钱又冇能力揾钱，但曾坦认「性上瘾」的Steven唔肯做安全措施，老婆于去年六月再为Steven诞下幼子天牧，当时Steven誓神劈愿组织四人家庭会后修心养性努力工作养家。

36岁的Steven最近被爆出欠下周身债，Model冯镓潆（Naomi）昨晚在IG的Story开名闹爆Steven未还钱，因为无限期停业，好穷的Naomi留言Tag Steven:「你系唔系谂住唔还钱？你讲过分期还？年半多，一毫子都无还过我，之前仲unfollow我ig。」女方接住Post的Story还透露自己真系好穷，争佢钱嘅人唔该快啲还钱。

Naomi在ig Story公开问Steven系咪唔谂住还钱?

Naomi公开呼吁争佢钱嘅人快啲还钱。

Steven在社交网撰长文回应欠债事件，他指一年多前因自己做错事，令到自己工作完全停顿，当时完全冇收入，迫于无奈问好多朋友借钱，也好感恩有好多朋友出手相助先挨得过一段时间，也试过揾过好多工，做过好多不同行业。他说：「疫情影响底下被炒过好多次，我有努力工作揾钱，希望可以支撑到屋企之余仲可以还到钱俾朋友，但系而家的路实在太难行，工作完的收入都唔够屋企开支，想净少少钱还俾朋友都唔得，令到有好多朋友都好唔开心，我喺度要同所有借过钱俾我的朋友道歉，一直以来我都还唔到钱俾你地真系对唔住，喺嚟紧嘅日子我一定会尽力去工作还钱俾你地！」

冯镓潆（Naomi）。

Steven的爱犬。

Steven又解释佣人在两年前聘请，太太所买的电器以电话储下的积分换取，而儿子所穿的服装不是名牌，玩具和衣服大多是外婆及朋友送赠。再指因为养了三只狗不能跟父母住屋邨而租住村屋。他说：「照顾一个家庭压力非常之大，我亦都好努力去重新做人，只系希望大家可以俾啲机会我同埋俾啲时间我，我一定唔会再令到大家失望！」晒可怜「卖小强」的贴文亦获关智斌畀Like。