【头条独家】《使徒3》幕前首同框扮心魔 蒋祖曼泰臣有幸藏马明体内
更新时间：23:30 2020-12-17 HKT
发布时间：23:30 2020-12-17 HKT
发布时间：23:30 2020-12-17 HKT
字体大小
相识多年，原来Joman和泰臣除5年前合作过舞台剧《大抽狂想曲》外，幕前未试过同框演出，可惜今次交流机会依然不多，因两人饰演马国明正邪两面的心魔，泰臣说：「几别开生面嘅形式，比较剧场性啲，就系傍住马明出嚟，我哋喺马明嘅内心深处出现。（蒋：系呀！我哋喺佢嘅体内㗎！）」由于角色较超现实，两人造型都相当特别。
疫情下两人工作都大受影响，泰臣自编自导的舞台剧《捽捽捽神灯大冒险》亦被迫延期演出，幸好仍有机会拍新剧《智能爱(AI)人》，不过原来首次扮机械人却令他受了不少苦，「最惨系监制话你系AI，唔会有手毛脚毛嘅，因为会着短袖衫，仲有啲场口会见到你对脚，甚至会疑似全裸𠻹！（蒋：全裸？）着肉色打底裤打格仔啫！但其他地方都要脱毛。我本身系飞毛腿嚟，一次用晒一盒脱毛纸。」脱毛后除觉得对脚好冻外，他仲觉得好自悲，「我终于明白啲猫狗剃咗毛后，行得唔舒服，平衡唔到咁。我觉得对脚好似光管，好丑怪。」
忙于拍摄网络大电影的Joman，就不忘趁机增值自己，「我当今年系学习年，好想考番个电单车牌，而家又学紧宠物美容。（泰：包唔包括剃毛？）你想要4号定5号，即系留一吋定吋半毛呀？留头、手、脚啲毛好唔好？（好，我啲毛量系可以㗎！哈哈！)」Joman笑言最近仲忙于「卖肉」，因参与朋友搞的巿集，卖一些至爱种植的多肉植物盆栽。
最Hit
长生津覆检开始！长者注意紫色通知书 未如期申报或被暂停津贴（ 附最新资产限额＋填表须知）
2026-04-03 19:21 HKT
买彩票赢近2500万元海景豪宅 幸运夫妇住半年「嫌太大」 决定放售套现换楼
2026-04-03 16:45 HKT
