港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】爆彭秀慧将《造星III》搬上舞台 Odi班长为花姐道歉感动

即时娱乐

更新时间：20:13 2020-12-10 HKT
发布时间：19:56 2020-12-10 HKT

Odi和班长讲明余下比赛会继续努力，不会令花姐失望。

早前花姐接受《头条》专访讲《全民造星III》时，点名向参赛者Odi（陈康琪）和班长（李明宪）道歉，直认太主观睇错人。目前进入30强的Odi和班长听了感动到眼湿湿，讲明会努力唔会令花姐失望，但他们承认比赛学到一切终身受用，特别感谢导师彭秀慧（KP）教导，更大爆KP有意将演出以唱片及舞台方式再度呈现。撰文：杜淑霞摄影：谭壹致服装：FILA 场地：Dance Union @ Sunny wong

Odi和班长睇完花姐的专访，感动到一度眼湿湿。

Odi和班长很感激花姐、KB和二汶畀机会及指导。

花姐专访中赞Odi非想像中差，「佢肯放低呢4年经验，听人讲去改变，好谦卑去学习。」而一度令她鄙视的班长，亦有进步，「我心谂你入围我喺60楼跳落嚟！（KP：佢话揾香港边座楼有60楼）我哋每次取笑完佢之后，佢系会返屋企谂点样做好啲。」Odi估唔到花姐留意自己，「佢反而质疑返自己系咪先入为主，原来我anytime佢真系望住我，我真系唔可以令佢失望。」而班长就觉得受宠若惊，「佢咁高高在上，真系要请佢食返餐饭。（唔揾个60楼叫佢跳？）揾个60楼去食饭，我都唔系好想搞出人命嘅，希望佢之后改变主意，唔好睇唔开啦！」

Odi参赛最大得着是更懂得跟人沟通，对在BINGO以及圈中发展都有帮助。

身为中韩混血儿的班长，预计完成比赛后，会先向KOL方面发展。

相对于不被花姐睇好，Odi和班长认为网民负评伤害性更大，班长坦承一度有轻生念头，「其实都有谂过少少睇唔开㗎！有一下啫！谂谂吓又会觉得唔系好抵㖞！（Odi：一下掉低晒啲嘢就唔值得啰！不过𠮶时真系好唔想出街，唔想畀人认得自己。）我都收埋咗自己一排，我都唔知点解我又冇做过啲乜嘢，佢哋叫我『快啲走唔想睇你！』」

不过，Odi和班长认为参加《造星III》是上了终身受用宝贵一课，两人点名要感谢导师KP，Odi说：「好彩佢早闹，唔系我可能会嘥咗更多时间，我好明白佢用意，真系好多谢KP，呢3个月喺佢身上学咗好多嘢。」他们又大爆跟KP仲有另类合作，「我哋觉得电视机睇同现场睇系唔同，系成个B Team，未知A Team点，系KB谂出嚟。佢觉得做咗咁好作品唔好嘥，可能都会录多次CD version soundtrack，因为我哋啲编曲都系重新编过。」