港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】获美国杰出打星奖陈钰芸最想演发哥保镖

即时娱乐

更新时间：01:06 2020-12-04 HKT
发布时间：00:51 2020-12-04 HKT

陈钰芸获「武打影星杰出表现奖」，成为功夫片抢手货。

功夫女星陈钰芸(JuJu)之前凭美剧《五行刺客》、西片《HOLLOW POINT》及港产片《九龙不败》于洛杉矶美中企业家商会中得到「年度武打影星杰出表现奖」，虽然身价升咗，但疫情下乜都停晒，JuJu同老公把心一横揼本自资，制作功夫真人骚节目，她更挑战自己做埋监制、主持兼顾问，希望杀出一条新血路，节目长拍长有。采访：方骞平场地：Hybrid MMA & Fitness 发型：BRUNEBLONDE 服装：SUPERDRY 鞋：iiJin

JuJu两公婆与真人骚中参加巴西柔术的参赛者合照。

JuJu跟巴西柔术「魔鬼教练」练习中，而巴西柔术有唔少身体接触。

功夫真人骚节目由陈钰芸老公司徒永华(Antony)跟另一位制作人合资，出钱又出力，陈钰芸说：「我哋两公婆喺今年3月返嚟，疫情下半年都冇嘢做，惟有谂吓有乜可以制作，最后揾嚟制作人合作拍摄功夫真人骚。真人骚分巴西柔术、柔道、跆拳道、咏春、泰拳五组功夫，考验每组6位从未接触过打功夫，唔同职业及国籍嘅参赛者，睇吓佢哋打咗功夫一个月后有乜改变，然后再提出小考验。」反应好的话，希望再拍到第二辑。

JuJu好想同甄子丹拍打戏，大赞他有要求。

JuJu喺《卧虎》中曾跟杨紫琼合作过，但就同一阵线，冇对打场口。

子丹霆锋亦好欣赏
JuJu得到「武打影星杰出表现奖」后坦言有美剧及两部片约喺手，但未知几时可以复工：「有奖对我系有帮助嘅，但冇话要加价，价钱唔系大问题，最想主演嘅功夫片成为代表作，得到认同经已好开心。老公都有几个剧本为我度身订造，睇咗都几钟意。」JuJu未来最想同偶像发哥(周润发)合作，「佢喺电影《卧虎藏龙》都有少少动作戏，我好欣赏佢，或者有机会嘅话，由我嚟保护呢位『赌神』！如果真系要对打嘅话，好欣赏甄子丹及杨紫琼嘅专业，喺《卧虎》曾合作过，但冇对打过，甄子丹个人好有要求，所以会拍得好靓；至于谢霆锋唔止煮嘢叻，佢身手灵活，其实拍动作戏都几型，而一齐喺美国发展嘅吴彦祖都好正。」