【头条独家】25岁细John恨闯娱乐圈 姜大卫介绍𡥧仔畀陈嘉上识

更新时间:18:17 2020-11-13 HKT
发布时间:23:30 2020-11-12 HKT
John哥一家四口早前到又一城行街。
John哥一家四口早前到又一城行街。
姜大卫(John哥)夫妇早前带埋𡥧仔姜卓文(细John)同女儿去又一城行街,其间,充满表演欲的细John更忽然身痕跳舞,另一日巧遇导演陈嘉上,John哥仲即刻介绍囝囝畀对方识,唔知系咪想趁机帮细John搭路入行呢?采访:谭壹致
John哥准备回家时巧遇陈嘉上.即叫囝囝上前打招呼。
John哥准备回家时巧遇陈嘉上.即叫囝囝上前打招呼。
陈嘉上(右)相约友人High tea吹水。
陈嘉上(右)相约友人High tea吹水。
现年73岁的姜大卫与太太李琳琳结婚46年,育有两女一子,25岁𡥧仔姜卓文更尽得父母遗传,生得高大又靓仔,十足韩星咁。因此两年多前,John哥已爆囝囝获两间公司邀试镜,至去年,一向对唱歌演戏感兴趣的细John,就参加咗ViuTV选秀节目《全民造星II》, John哥仲公开力撑「想个仔赢」,惜最终未能杀入决赛,但细John并冇放弃,继续于社交网分享自弹自唱Cover,近来还跟Tank(梁德忠)学跳舞,增值自己。
John哥两父子在运动舖一齐睇鞋。
John哥两父子在运动舖一齐睇鞋。
另一日John哥夫妇与细John去又一城食Pancake。
另一日John哥夫妇与细John去又一城食Pancake。
老窦做到嘢
早前下午2时许,细John陪父母去又一城食完Pancake后,一家三口便笠番个口罩到银行换钱,其间John哥企喺侧边傍实老婆办事,一时又担天望地,而开始习「舞」的细John等到闷闷哋,就忍唔住企喺窗边「排舞」,之后又好Gentleman地绕住妈咪离开。另一日下午3人再次出动,并约埋家姐一同去运动舖买波鞋及健身用品,席间两老各自在店内闲逛,虽然John哥频频绕埋双手又插袋,好似好Cool,但路过一间餐厅巧遇陈嘉上,他即展露笑容并呼叫对方,随即捉囝囝埋嚟跟Uncle打招呼,细John亦礼貌地向陈导鞠躬,见陈嘉上笑晒口,似乎都几钟意呢位世姪。
细John等妈咪换钱期间忽然在窗边「动起来」。
细John等妈咪换钱期间忽然在窗边「动起来」。