【头条独家】 拍《吃掉》谈爱情数前度 张惠雅张蔓姿张蔓莎更信缘份
更新时间：01:43 2020-10-23 HKT
发布时间：21:58 2020-10-22 HKT
发布时间：21:58 2020-10-22 HKT
字体大小
32岁的Regen单身5年，去年底遇上细她5年多的圈外心仪对象，因男方仍未放低前度，令她打烂醋坛，最终恋情只维持了3个月，「我单身咗5年，有set到唔可以细我好多，同埋啱啱分手嘅人，点知set咁多嘢系废嘅，旧年12月识佢𠮶阵，佢系啱啱分咗手冇耐，但系佢同之前𠮶个咁深感情，我唔系咁钟意夹喺中间，有啲可惜，好难得揾到个自己好钟意好欣赏嘅人。」
Gigi就单身了3年多，「我又冇觉得好惨痛，我好乐观面对自己嘅生活，有好多嘢系缘份，我同ex做番朋友，冇特别伤，我喺佢身上仲学到好多嘢，佢系我好欣赏嘅人，大家仲有联络。」讲到分手原因，Gigi说；「未一齐会有好多幻想，但一齐之后好多生活上、沟通上唔容易，同一个人好沟通好自如咁生活唔简单，一切随缘。」
吴肇轩问准家姐追妹妹
至于18年跟吴肇轩因拍《身后事务所》而挞着的Sabrina，就坦承已单身一段日子，但两人再见亦是朋友，「我哋依然系好朋友，佢见证咗我成长嘅一个人，𠵱家只系换咗一个身份同角色去继续陪住大家成长，我遇到问题问佢都会覆我，聚会都会见面，间唔中会联络。（分手原因？）性格上嘅嘢，大家各有各嘅追求，我谂大家都系事业心重，我哋都想大家事业好，会默默支持大家。我拍呢个节目都有同佢备定案，佢回复都系好鼓励性嘅。」原来当日两人拍拖，孖生姐姐Gigi扮演重要角色，因Gigi读演艺跟轩仔同班了4年，Gigi说：「轩仔聚会时有问过我，可唔可以追我阿妹，好尊重，当然我决定唔到任何嘢，佢钟意就尝试，最紧要对佢好。」
三人都认为作为女艺人，确实较难揾对象，Regen说：「会避忌啲，小心少少，自己圈子比较窄啲，呢个年代好多交友app，节目入面教我哋煮嘢食𠮶个女人，佢都系交友app识佢老公，仲结埋婚，但系我哋身份唔可以玩呢啲嘢，变咗难啲啰！」不过三人都一致认为宁缺勿滥，Gigi说：「每个女仔都要独立，当然向往恋爱，但系单身一样可以好精彩。」Sabrina都认同，「自己准备拍拖先可以畀到幸福人，当然可以一齐去寻找，慢慢𠮶个人就会出现。」
最Hit
