【头条独家】曾患抑郁 疫情有空钻研佛学 Jeana唔排除会出家
更新时间：21:50 2020-10-12 HKT
发布时间：20:47 2020-10-11 HKT
发布时间：20:47 2020-10-11 HKT
字体大小
在《熟》剧中，为腹中块肉揾生父搞出连串笑话的Jeana，私底下竟然恨有BB，「以前都会有啲焦急嘅，以前梗系想35岁前结婚啦！但系𠵱家真系随缘，结唔结婚都好，小朋友我系想有㗎！因为我好钟意小朋友，同埋我身边真系太多人生咗小朋友，𠵱家31岁发觉自己啲母爱好泛滥。」Jeana仲唔介意收养，「将来真系过晒生BB嘅年纪，我都会收养小朋友，都系一个缘份，或者我本身有小朋友，但遇到有缘份嘅小朋友都会收养。」
Jeana跟导演翁子光分手后，一直未有公开新恋情，原来曾有新对象出现，「我心目中都有个好钟意嘅，但系点都有啲波折嘅，唔紧要啦！顺其自然。」问她系咪好难追？「唔使点追我，有feel我就会上。（倒追人？）如果好钟意啰！头先提𠮶个系好钟意嘅，大家因为误会就停咗，系有啲曲折，唔系一条直路，就随缘！（系咪圈中人？）我哋转话题啰！哈哈！」她又坦承自己情路曲折过剧集情节，「我啲感情系几曲折㗎！可能我上一世欠人太多，咁样谂咪通晒啰！唔会有怨恨。明白所有嘢都有佢嘅缘份，都系有原因而去认识、一齐或者分开，Mr Right出现都系有原因嘅，所以顺其自然就得，唔需要急。」
信佛又食素
现在变成佛系揾男友，只因Jeana拍完《熟女》后，因疫情好多工作延期，令她开始有空闲时间钻研佛学，「6月完咗呢个剧冇得开工，当所有娱乐工作乜都冇嘅时候，日日好充裕时间喺屋企，发觉个人谂嘢谂多咗，会谂一啲平时生活以外嘅嘢，以前冇时间个脑冇得停一停谂一谂，沉淀一下，𠵱家有宗教信仰，仲开始食素。我本身成家人都系信佛，但系因为呢个疫情多咗时间去谂，妈咪都会辅导吓，多咗时间了解，我呢几个月等如我30几年嘅精神，我觉得30几年好似白过咁。」她更不排除有出家的一日，「暂时未，但系我唔肯定，或者20年后、30年后会。」
Jeana又自爆曾经有过抑郁日子，虽然冇睇精神科医生，但自觉好唔掂，「5年前有段日子，𠵱家谂番系有啲抑郁嘅，成日喊，无端端会呕，喺屋企唔出街。𠮶时觉得好迷失，唔知为乜，或者冇路行，睇唔到条路。可能谂唔开，维持咗两三年，我啲朋友都知，约我10次有9次都唔会出嚟。」她信佛后一切已想通，「当呢刻我哋好唔开心，有好多情绪，有好多谂唔通嘅嘢，好辛苦，因为我哋执着，但系其实个天安排咗，你只要向前行，𠵱家嘅我谂番转头就过咗，只系一点回忆，你当刻付出咁多情绪咪嘥晒啰！每个当下发生嘅嘢，真系唔需要太执着。」
最Hit
长者生活智慧 10个买餸7个「拉车仔」 网民拆解现象 背后一原因最心酸｜Juicy叮
2026-05-25 13:00 HKT
政府资助长者做白内障手术！医管局「耀眼行动」津贴$8000 3类人有份 附申请资格/方法
2026-05-24 09:30 HKT
