【头条独家】尽地一煲 《鬼同妳》索女抛胸晒腿争上位
更新时间：21:14 2020-10-04 HKT
发布时间：23:33 2020-10-02 HKT
发布时间：23:33 2020-10-02 HKT
字体大小
「长腿女神」Odilia
面对一众豪乳参赛者，仅得32A上围的陈康琪（Odilia）也自觉输蚀，唯有改Sell42吋长腿，「起初都加番少少（垫）等着衫靓啲，点知去到个个吊带低胸，事业线好深，我自己都忍唔住望。」讲到求上位，以女子组合BINGO身份出道4年的她，最近参加了《全民造星III》，希望尽地一煲让更多人认识自己，Odilia说：「入到去会惊，因为突然间要同好多人比较，你会质疑自己做唔做到？而家要跌低咗再企番上嚟，继续推上去。同新人比赛一定有压力，监制花姐一定会比较，所以每次表演都要揸紧𠮶一刻，一旦放松，人哋就会飙上嚟。（俾人闹到想放弃？）冇，反而愈战愈强，呢个节目畀我启示系，只要坚持自己想要嘅嘢，𠮶团火依然喺度。」
「巨乳邓紫棋」Mangie
26岁的Mangie，在节目中经常俾师傅笑叫声好「淫」，现实中她亦惨被变态佬攞便宜，「读书时试过俾变态佬打pat pat，入咗行做模特儿都试过俾人性骚扰，send啲性器官相畀我，问我几多钱，不过我已经收到免疫。」虽然外表性感，但Mangie不能接受不道德交易，「如果畀到呢啲offer，可以揾啲年青18岁𠮶啲啦！」拥有8分1葡国血统的她，外貌有几分似G.E.M邓紫棋，但她的奋斗目标却是薛凯琪，「佢识做戏又可以唱歌，形象正面又靓。」讲到上位，Mangie坦言为家人而努力，「我觉得对自己影响冇乜特别，反而想我屋企喺其他人面前会proud of有我呢个女。」
「嫩版JaniceMan」柔柔
26岁的柔柔，以往主力做模特儿及KOL工作，仲捞埋幕后拍埋片，《鬼》节目才是她首次踏足电视圈，未来她想拍真人骚节目外，都想参与剧集电影，做个真正的演员，「以前有个好肤浅嘅谂法，有套戏上到戏院，人哋记得我就得。」在节目中柔柔给人邻家女孩感觉，但她不想有框框，「我冇谂住行乖乖女邻家女孩路线，反而我系贪玩癫丧𠮶啲人，同埋我唔想定咗型影响将来发展。」讲到上位目标，她最想好似阿Sa（蔡卓妍）一样瓣瓣掂，「佢系一个好值得学习嘅对象。」由于柔柔妈咪管教很严，她绝不能行性感，但有少少性感演出都可以，「好似最近电影《幻爱》咁，有啲床戏，我都可以接受，仲要同刘俊谦合作㖞！」
最Hit
