港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】赞郑嘉颖做老窦后开心咗王馨平23岁赚第一个一百万

即时娱乐

更新时间：01:54 2020-09-09 HKT
发布时间：23:10 2020-09-06 HKT

虽然已经喺30年前嘅事，但宝丽金带畀王馨平太多难忘经历，所以仍然好记得。

宝丽金唱片公司为庆祝踏入50周年，推出全新编曲串烧「双响炮」，昔日「宝记五小花」之一嘅王馨平(Linda)，除咗有份演绎《Stars on Polygram 50》串烧舞曲外，仲会翻唱已故邓丽君金曲《忘记他》，另跟陈慧娴、露云娜及汤宝如合唱《失恋》及《红日》。Linda笑言当年23岁打第一份工就系做歌手，入行年多经已赚到过百万，20岁出头已赚到第一桶金。采访：方骞平

当年跟郑嘉颖拍拖不被看好，父亲王羽也棒打鸳鸯。

王馨平大赞有咗妻儿嘅郑嘉颖冇以前咁古板，开朗咗好多。

因为加入宝丽金令到初出茅芦嘅王馨平名成利就，眼见娘家50周年，Linda当然要助庆：「『宝记』系我第一间加入嘅公司，由新人阶段开始，系一个重要经历。𠮶时乐坛好辉煌，每日跑成十几个通告，一年出两张广东唱片加一张国语大碟，唔系宣传就系录音，仲要去埋台湾，但忙得好开心。」当年Linda懵盛盛，乜都唔识，最难忘系公司代支咗几十万租保母车、化妆及发型钱，从第一份粮扣除代支时先识得心痛：「作为新人惯咗有车出入，就算出街都照call车，因为唔使畀现金，我唔知嘛，直至收到帐单先知，吓！扣咗几十万！原来要咁多钱㗎？」

王馨平两公婆相当恩爱，嗌交次数唔多过10次。

16年前王馨平同黎姿一齐跑电台做宣传，当时两人好有少女味。

同甄妮冇深仇大恨
虽然94年第一份粮扣咗几十万，但《别问我是谁》分红有200万，仲未计广告及电影收入陆续有来，几十万湿湿碎啦。Linda笑言「当日攞住张支票好开心，好自豪。至于最唔开心因为误解，同经理人甄妮喺台湾打咗几年官司，最后不了了之。多年后有次街上撞到甄妮大家倾返偈，毕竟佢介绍我入宝丽金，我又系后辈，就算斟茶认错都冇蚀底，我哋之间冇深仇大恨。」提到宝丽金庆祝活动，Linda坦言唔介意同旧爱郑嘉颖同台合唱：「我唔抗拒，私下系朋友，𠵱家佢有老婆有仔，有缘份咪同台啰。其实同旧公司人成日约食饭，佢结婚生仔后成个人开心咗，尤其对住陌生人，冇以前咁古肃。」