港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】为《头条娱乐》开Live劲受欢迎邓建明雷有辉最想Beyond合体

即时娱乐

更新时间：20:34 2020-09-03 HKT
发布时间：20:00 2020-09-03 HKT

Joey同Patrick相识40年，完全冇闹过交，系互相扶持嘅好兄弟。

太极乐队主音雷有辉(Patrick)入行40年，创作同演绎过好多经典好歌。上周五晚他跟队友Joey Tang（邓建明）一齐喺《头条娱乐》Facebook专页开Live，两人大唱脍炙人口嘅经典好歌《红色跑车》及《留住我吧》等，截至周三下午浏览人次超越5万6，劲受网民欢迎，两人唱足个半钟，开心到唔舍得走，大呼过瘾，承诺陆续有好嘢送畀《头条娱乐》读者。采访：方骞平摄影：李维隆场地：奇纳百川@海港城LCX35号铺

虽然隔住块胶板唱歌，但完全冇影响Joey同Patrick嘅默契。

Beyond嘅歌声仍然令人难忘。

因为受新冠肺炎第三波影响，《PAT Music Over Rainbow 雷有辉音乐会》被迫延期至2020年10月10至11日举行，当晚开Live视作Show前热身，雷有辉形容状态大勇，早已装备好自己，眼见fans相当期待，只想尽快启动。好有义气嘅Joey早已mark定期畀Patrick做Band leader，齐齐拍住上。

2006年，家驹46岁冥寿，家强举行《别了家驹15载海阔天空音乐会》，当时阿Paul及世荣都有份演出。

4年前世荣举行《家驹…爱心延续慈善演唱会》，太极有份做嘉宾。

太极系无烟乐队
提到太极将于今年12月举行大型个唱庆祝成军35周年，观众可以喺西九草地睇住日落，饮番两杯听他们唱歌，气氛一定好正。对于黄家强以「道不同不相为谋」为由，拒绝同黄贯中(阿Paul)再组Beyond，太极跟Beyond同期出道，问到会否觉得好可惜？Joey唔敢相信系事实，只说：「我会继续抱住一个希望，宁愿呢个只系剧本，只系扮住嬲先，迟啲会大团圆结局！」看透世情嘅Pat哥反而赠句「世事无绝对！」并解释：「今日话一定唔会做嘅嘢，未必会系咁，世事会变，地球系圆嘅！大家够冇谂过有𠵱家嘅疫情啦！细个够话一定唔会戒烟，点知我同Joey唔系叫戒烟，系食到反胃，所以可以话唔食就唔食，𠵱家太极系无烟乐队，只系围埋打边炉先出烟！」两人跟Beyond识于微时，异口同声话好想睇Beyond三子合体，笑言到时去搲捞做吓和音、嘉宾都好。