港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】34吋半D Cup上围加44吋长腿刘颖旋扮护士姣𠱁副导演

即时娱乐

更新时间：21:01 2020-06-18 HKT
发布时间：21:00 2020-06-17 HKT

嗲爆抹汗导演要刘颖旋加多几钱肉紧，所以佢就好嗲咁同副导抹汗。

TVB姐仔人材短缺，所以拥有34吋半D Cup上围及靓样的刘颖旋(Tiffany)被力捧，角色愈嚟愈有发挥。日前于新剧《超能使者》中上演一场制服诱惑姣𠱁副导演嘅戏，身穿超短护士制服的刘颖旋，轻松晒44吋半滑净长腿，加上34.5D、25吋半、35吋半浮凸身形，佢咩都唔做斋企喺度，杀伤力已非常厉害。采访：方骞平摄影：李维隆

六呎靓脚刘颖旋本身已系高妹，著住5吋嘅高踭鞋，被林子善取笑为「六呎脚」。

合作愉快陈山聪、林子善、监制文伟鸿同刘颖旋合作愉快。

当日刘颖旋饰演临时演员，要着超短护士制服扮俏护士，眼见有位做临记嘅老人家倒泻咗个饭盒冇饭食，所以拔刀相助，𠆿身加嗲声加亲手抹汗，务求色诱副导攞多个饭盒，被同是临记的陈山聪见到，误会她不守妇道，不忿哥哥林子善对她大献殷勤，两人互骂。

山聪赞又高又Fit

因为剧情需要，Tiffany要上晒电姣爆副导，监制文伟鸿嫌Tiffany太过保守唔够Open，要求她落多几钱肉紧，Tiffany好听话即时嘟起个嘴，又翘脚坐晒长腿，更不时摇动大髀，姣功上升100级。身高5呎9吋半的Tiffany著住刚刚冚住Pat Pat的超短裙，脚踏5吋火红色高踭鞋，行路时裙尾左摇右摆，𠆿身时裙尾又跷起，打底裤若隐若现，连就快做老窦的山聪都赞不绝口：「边个唔对佢流口水㗎？佢系啲少男心目中嘅女神，佢又高又fit，啲戏又愈嚟愈好，不过，我做爸爸喇，我点会畀佢电亲呀？」之后山聪更补充，「佢呢啲年纪唔啱我，我对住老婆一心一意，迟啲就对个仔全心全意。」

斗气冤家陈山聪在剧中质问刘颖旋点解咁唔守妇道，反被Tiffany笃心口指控。

长腿女神剧中林子善视Tiffany系女神，特地去片场探班送礼物。

有胸有脚但卖性格

Tiffany觉得造型有啲爆：「条护士裙真系有啲短嘅，但都ok啦，佢哋帮手睇住我，肯定冇走光。平时我梗系唔会著咁短嘅裙，唔想就住就住，著短裤仔咪唔使担心啰！」被指系「长腿女神」，她大笑说：「我唔系女神，啲人有话过我长腿，但冇听过赞靓，我都想条长腿做到卖点可以拍吓广告呀！但卖健康，唔系卖性感，如果要我著三点式拍广告，就要睇吓系咪有需要。以前参加港姐时都畀人赞过样靓身材正，但真系唔想用身材做卖点，自己唔想咁性感，亦唔钟意show咁多，所以都会保守啲，可以嘅话，想人哋认识我性格多啲。」

爽朗性格唔收兵

Tiffany又自爆现实生活中冇试过收兵：「我好男仔头，同男仔好friend，但唔系嗲𠮶啲。」山聪就大赞Tiffany爽朗性格好正：「佢得23岁咋，真心佢边有咁多呢啲经验呀！几时玩到结婚呀？而且佢唔系呢啲性格女仔，有啲矜持好啲，佢系好女仔嚟，所以我哋要好好咁保护啲小花，等佢好好咁喺TVB茁壮成长。佢已经上紧位，绝对有条件做一线姐仔，仲会好快㖭呀！今次唯一提佢咬字，因为佢系鬼妹仔，有好多四字成语唔多明白。」