港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】首次担正获提名影帝朱栢康收消息即感触到喊

即时娱乐

更新时间：01:38 2020-06-11 HKT
发布时间：01:20 2020-06-11 HKT

朱康17年曾娶台湾籍太太，虽然最终离婚收场，但他强调不会对婚姻有阴影，而这次婚姻经验亦没帮到今次演出。

朱栢康（暱称朱康）最近凭电影《金都》先后获提名台湾金马奖和香港金像奖影帝，虽然未能夺奖，但首次担正已争取到提名，确实令人鼓舞，当日朱康收到消息时也感触到喊起来，因他一直对自己演出冇自信，甚至想过转行。讲到在《金都》饰演的「Edward」，虽然跟他南辕北辙，幸好剧本写得好帮到手，和遇上夹得来的对手邓丽欣。撰文：杜淑霞摄影：李维隆发型：Ginny@hairculture 化妆：Maggie Lee服装：MrP from MR PORTER

朱康认为「Edward」似个12岁男仔，所以当他不知所措时爱讲烂gag，反映他的单纯和幼稚。

初次跟邓丽欣合作，朱康由起初紧张，到后来好快便找到默契。

对于「Edward」这角色，朱康形容只是个12岁长不大的男人，「极其量喺我17、8岁啱啱开始拍拖，好想喺女朋友身上攞到认同感，𠮶种感觉似啲啰！但系我生活宗旨同Edward好唔同，或者我用嘅方法好唔同，我一定唔会靠阿妈先，就算打本畀我做生意，都唔会啰！我喺毕业之后，已经有好强谂法要供养父母。」

朱康在演艺毕业后，主力在舞台剧界发展，19年更凭《拼死为出位》夺得「香港舞台剧奖—最佳男主角（喜、闹剧）」。

戏中朱康跟邓丽欣是对拍拖7年的情侣，有不少亲密戏份，因之前完全不认识，最初合作都会惊，「但系有一、两次出嚟对剧本后，我自己都放心咗好多，因为佢好有睇法，好专业，我哋嘅睇法都几一致，去到临拍，都仲会有少少紧张，但系一roll咗机，大家都冇咗呢种尴尬嘅嘢。」

朱康17年由舞台剧界转拍电影电视，首次担正电影便获得影帝提名，他收到消息一刻正跟经理人在餐厅开会，也忍不住喊了，但他坦承正遇着演出樽颈位，就算得到提名，依然未有加强自信，「我成日都讲，我早两个月前同阿妈食饭先喺度呻，自己做紧啲乜嘢呀？高不成低不就，救命！我系咪要谂吓转行𠮶啲嘢，两个月后有个咁样嘅提名，依家消化咗落嚟，会开心啰！但系你问我会唔会影响到我？觉得自己叻咗？有信心咗？系咪可以有番自信多啲？其实都唔系，我喺我嘅演出、作品里面，仲有好多嘢需要学，特别由舞台转咗去电视电影呢个界别，但系我希望嚟紧不久嘅将来，可以攞多几次提名，到咗𠮶阵我就可以知道，我应该系有某一啲能力嘅，同埋我依家正正处于表演方面嘅樽颈位。」