【头条独家】男客意淫留言撩供另类服务 黄榕拒受高价私人教健身
更新时间：16:42 2020-05-24 HKT
发布时间：22:00 2020-05-22 HKT
发布时间：22:00 2020-05-22 HKT
字体大小
唔做不德道交易
因为之前所有内地登台及健身班全部取消，黄榕损失最少6位数字收入，即使𠵱家主持面包台嘅节目《榕走脂肪》，仲陆续教返班，但每班学员人数受限制，收入少咗大半，「我只得私人健身教练牌，申请唔到政府嘅抗疫基金，唯有食同住都黐屋企人，期望政府尽快派发一万蚊，对我嚟讲都可以使好耐，除咗车费平日都冇乜支出，连饭都喺屋企食。」提到会否考虑转做上门私人教授，黄榕就耍手拧头话惊惊：「有个外籍男及23岁嘅𡃁仔私讯提出过，原先我每堂收开1500蚊，佢哋愿意畀多双倍钱及车资，但有附带条件，外籍男本身喺我公司上堂，但佢想我着高踭鞋同埋低胸啲，上门教佢，又好想上完堂帮佢按摩，至于个𡃁仔就有露骨留言，我完全冇一刻心动要赚呢啲钱，我都唔系赚呢种钱𠮶啲人。」
对于近排娱乐圈涌现大批贱男如罗志祥、马天乐及黎振烨，拍过无数次拖的黄榕对此零感觉，因为佢以往嘅男朋友全是贱男：「拍拖以嚟未遇过好男仔，个个都系贱男，不论有钱、冇钱、靓仔、唔靓仔全部都花心，贪新忘旧，因为男人本性系花心，见一个爱一个系家常便饭，所以自己睇得好开，唔介意再畀人呃，𠵱家开心最重要，最紧要有大只靓仔『小鲜肉』陪我做运动，唯一真系接受唔到男朋友瞒住我做多人『运动』啰，好污糟，好呕心！」黄榕表示以前年幼无知，对拍拖好有幻想，虽然拆穿前有质问过对方(唔想开名讲)，但佢唔承认，咁我就相信佢，直至爆片爆相，轰动全港我先知道，不过当时经已分咗手，但仍好唔开心，觉得佢好dirty。」
最Hit
长生津覆检开始！长者注意紫色通知书 未如期申报或被暂停津贴（ 附最新资产限额＋填表须知）
2026-04-03 19:21 HKT
买彩票赢近2500万元海景豪宅 幸运夫妇住半年「嫌太大」 决定放售套现换楼
2026-04-03 16:45 HKT
