港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】揾绯闻女友做微电影主角麦秋成赞蒋家旻够专业

即时娱乐

更新时间：20:22 2020-04-02 HKT
发布时间：20:03 2020-04-02 HKT

秋成签约TVB，原来最初都跟导演工作有关，「最初读演戏课程，目的系了解多啲演员世界帮到做导演，读咗发觉好有趣就想去试吓做演员。」

麦秋成继去年宣布签约TVB，最近再有新搞作，自编自导自演爱情微电影《恋恋季节—冬至篇》，仲邀请了绯闻女友蒋家旻和好友罗天宇组成三角关系。秋成谓一直对导演工作有兴趣，想储多点经验，未来目标是拍套代表香港的歌舞电影。讲到跟蒋家旻合作，他坦言不怕绯闻愈传愈盛，更大赞她跟罗天宇够专业，两人任他舞。撰文：杜淑霞摄影：李维隆发型：Jay Cheung @ Hair 服装：Amelie Street 场地：Wahaha Partyroom

秋成和蒋家旻认识多年，家旻更是他的舞蹈学生，被指经常出双入对而传出绯闻。

秋成指导罗天宇演出，导演样上晒身。

秋成坦承想向导演之路进发，因现在工作都未能满足到他，「我好贪心，但系喺创作上，我全部嘢都系围绕跳舞，我脑入面有3、4个故仔，𠵱家写紧啲电影剧本，有一套揾紧人投资，但一定全部关于跳舞，呢个根唔会甩嘅，我想试多啲嘢，希望将来做到一套代表香港嘅歌舞电影。」

因为在鸟取县取景拍摄时间好赶，秋成所以嘢都跟得好足。

微电影9成在鸟取取景，靓人靓景，秋成仲要在雪地上跳舞。

望揾到投资者
之前秋成都导演过其他作品，但都以跳舞为主，今次较多文戏，反而难倒他，「所以要练，今次系多咗好多经验，好彩佢哋（另外两位主角）畀我舞啰！佢哋真系好好冇乜怨言，可能我听唔到，佢哋两个都辛苦㗎！我哋得几日时间，但要拍好多嘢，佢哋去到真系冇得瞓，我Chur晒佢哋嚟用。」问到揾绯闻女友蒋家旻做女主角，秋成就澄清他们只是同事和朋友，不过他不禁大赞女方工作态度，「TVB出嚟嘅艺人好独立，发型化妆自己搞掂，又冇乜怨言，架子又唔会摆到咁高，畀着好多艺人咁辛苦实黑面啦！」其实今次微电影秋成只完成了三分一，故事还有两辑，「点解叫《恋恋季节—冬至篇》，其实系仲有春夏同秋季，要睇吓之后有冇资金拍，今次用咗我6位数，所以我就冇啦！希望今辑吸引到人投资啦！」