港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】去日本拍MV被「姜糖」闹爆陈卓贤同姜涛有共识无决裂

即时娱乐

更新时间：23:05 2020-03-22 HKT
发布时间：22:00 2020-03-22 HKT

Fans赞MV中的Ian够可爱，有男朋友感觉。

人气男子组合MIRROR成员陈卓贤（Ian）系唱得之人，继《二期大楼》和《另一个诺贝尔》后，第3首歌单曲《正式开始》亦已派台，对于被姜涛Fans闹爆，怪他攞晒资源去日本拍新歌MV，Ian表示好无奈！采访：方骞平发型：Stone @Private i salon 化妆：Cori@Annie g.Chan makeup centre 形象：Felix Wong 服装：Harvey NiMistergentlement 场地：Harlans Bar and Restaurant

Ian之前为拍ViuTV剧集《男排女将》不停操fit自己，操到手瓜起蹍。

陈卓贤同姜涛同时间出道及出新歌，自然成为比较目标。

出道1年零3个月的Ian能够在如此市道再出新歌坦言好开心，「第3首单曲比第1首明显系有进步，网上音乐平台反应唔错，网民赞我Handle R&B曲风好OK，fans赞我喺日本拍嘅MV拍得好靓，话我好可爱，拍出男友嘅感觉，佢哋真系好犀利，会去返我拍嘢嘅地方打卡。」有赞之余亦有插，因为被队友嘅Fans闹：「佢哋话『点解有得去日本拍MV咁好？使晒啲钱喺你身上，咁其他成员点算好呀？公司系咪偏心你呀？只系将资源集中喺你度！』其中以『姜糖』最激动！」Ian强调即使去日本拍MV都唔系使咗好多钱，因为用日本嘅摄制队，而且唔使租厂拍，团队亦系搭廉航，只系快闪去咗两日啫。

Ian开处男show获战友姜涛力撑，两人关系一向唔错。

Ian好多Job，出歌拍剧外之前跟陈滢曾为动画《魔镜肥缘》配音。

赞自己Fans好乖
Ian指出去日本拍MV嘅原意，系好似带观众去旅行咁，由女友视角出发，对于被针对亦大感无奈：「其实都想平反吓，做得唔好被批评好合理，但明明唔系事实，佢哋就主观觉得系，但谂深一层，佢哋愈觉得系咁，愈解释只会觉得系掩饰讲大话，庆幸我啲Fans好乖好听话，唔会掀起骂战。姜涛见到班fans咁激动都有啲尴尬，因为佢自己唔系咁谂，亦明白我唔会介意fans讲啲负面说话，所以冇影响我哋嘅关系，我哋共识系做好自己表演嘅嘢，做能力范围控制到嘅事。」