港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】34D张秀文收埋身材做节目阿Bob黑口黑面冇晒瘾

即时娱乐

更新时间：23:04 2020-03-22 HKT
发布时间：23:00 2020-03-22 HKT

因为好天收埋落雨柴，Bob生活唔成问题，四个仔女过住优质生活，亦系Bob努力工作原动力。

由林盛斌（Bob）及张秀文主持的TVB游戏节目《你估我唔到》每集会以唔同cosplay现身，对于大部份造型都唔性感，埋没了张秀文34D养眼身材！当事人话一啲都唔可惜，正好畀大家留意返她的内涵，但拍档阿Bob就唔系咁睇，佢直言好冇瘾。采访：方骞平

过往张秀文喺活动上时常性感现身。

阿Bob系疫情下少咗工作变凑仔公，反而Bob嫂Pearl日日忙睇风水。

《你估我唔到》由两位主持人走匀电视城录影厂，寻找嘉宾睇日本短片即兴玩游戏考验「脑力」！张秀文最难忘系刘佩玥（阿Moon）：「佢蠢蠢哋，蠢得嚟又几可爱，最顶唔住佢由头到尾都好赖皮，不停讲：『吓？点解呀，畀我啦……』所以攞咗好多奖品，呢啲女仔真系一流，我就系少咗佢呢啲嗲嘢。」被冧晕咗的Bob附和：「佢话玄彬唔够林盛斌好，所以一定要醒佢多份礼物啦！呢啲女仔𠱁死人。」至于炜哥外表好优雅，原来玩得好放；朱晨丽就黐黐哋，不受控，Bob笑说：「佢好代入《大酱园》，去到主景话系佢屋企，仲招待我哋入去，完全反客为主。」

Bob同公司柏档小霖大派定心丸，承诺唔裁员、唔减薪。

期待迫爆超人衫
　　
问到阿Bob钟意阿Moon嗲声嗲气定似秀文咁好身材嘅女仔？阿Bob即说：「一定系要身材啦，Moon一定唔够秀文劲，平日喺私人宴会见到秀文着性感晚装，但节目入面就包到实，冇晒瘾！」张秀文指阿Bob对她冇晒邪念：「唔怪得佢录影时猛话好眼瞓啦，原来冇刺激。佢对我仲客气好多，有时叫佢一齐自拍，佢就黑面hea答：『影乜鬼呀，嗱嗱声返去换衫啦！』」不过，阿Bob预告两人稍后会着超人衫，呢件衫陈敏之曾经着过，所以着喺张秀文身上有逼爆感觉，好劲，亦好期待，张秀文坦言条拉链好难拉。