港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】签英皇半年内出4首歌李靖筠压力大睇中医急救

即时娱乐

更新时间：23:47 2019-12-12 HKT
发布时间：05:30 2019-12-13 HKT

Glayds狂队两个餐都唔长肉，她一度担心有暗病。

在TVB剧集《跳跃生命线》中饰演River一角大受欢迎，现年26岁的「文青女神」李靖筠（Gladys）早前签约英皇娱乐成为乐坛新贵，由5月至今已推出了4首歌，新歌《第千次重逢》趁年尾派台。受公司力捧的Gladys压力大到皮黄骨瘦，食极唔长肉，得返个平板电脑身形！日前在荃湾一间餐厅内野生捕获又瘦又冇精神嘅Gladys喺助手陪同下医肚，见佢狂队两个饭餐，期间不停抹鼻涕，感觉几辛苦。采访：方骞平摄影：张咏森

Glayds边食边抹鼻涕，真系辛苦。

Gladys等睇中医时不停包「云吞」，一脸病容。

当日下画，李靖筠喺荃湾一间餐厅内自队大大碟嘅白咖喱猪扒饭，另加多个芝士温泉蛋咖喱海鲜饭，但佢边食边包「云吞」，食完就行去睇中医。事后记者向Gladys了解，她坦言身体出咗毛病：「呢期感觉个人湿气好重，好攰瞓极都唔够，而且严重鼻敏感，鼻涕长流，要用口唞气，入到冷气间仲会有几声咳，咁样好影响到唱歌，但长期食西药又怕有好多后遗症，所以好鬼烦，惨到连去厕所都唔多畅通，要两日先屙到一次，好彩未影响到女性周期。」

Glayds睇完中医再急住去跑通告，自言喜欢压力下生活。

凭TVB剧集《跳跃生命线》中River一角令Glayds为观众熟悉。

气虚血弱要调理
一轮嘴讲出苦况后，李靖筠话好彩睇完中医唔算大件事，「医师好细心同我把脉，同埋观察条脷，佢就话我眼圈大，气虚血弱，血气运行得唔多好，体质偏差，苦口婆心咁叫我要好好调理一吓先得。不过医师安慰我唔使惊，而且仲系细路女，第时怀孕期后大把机会做肥婆，但叮嘱我要早睡早起，多啲去做运动，开5日药粉冲剂畀我先改善鼻敏感症状，再慢慢调理身体机能。听完咁讲都安心好多，至少冇暗病。」

Gladys否认俾人批评样衰形成压力：「当你每日都收到私讯负评留言就变咗冇感觉，甚至有指我MV似人妖，其实大众对艺人界线定得好高，眼中要个个好似杨幂咁样，否则会话：『呢啲咁嘅样，周街都执到啦！』其实样唔系我个卖点，我只想展现我嘅音乐才华。」