港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】首拍《入住请敲门》遇灵异嘢 Stanley Anson Lo怕都恨再拍

即时娱乐

更新时间：00:03 2019-12-05 HKT
发布时间：00:05 2019-11-28 HKT

Stanley和Anson都话第一日到埗拍即遇到灵异嘢，认真邪！

ViuTV人气节目《入住请敲门》下月将推出第三季，今次除了由莫竣名（MCM）和林婷继续主持外，仲新加入MIRROR成员Stanley（邱士缙）和Anson Lo（卢瀚霆），分别到台湾及日本拍摄，当然有遇到不少灵异事件，不过4人都话虽然怕，但仍想再拍，更提议下一季去得更远探灵，笑言可去马尔代夫睇吓有冇水鬼𠻹！撰文：杜淑霞摄影：李维隆

MCM和林婷一齐主持过两季，今次才有真正合作feel。

Anson话一路做直播一路听到人敲窗，𠮶刻惊到唔识行去窗睇。

主持了两季的MCM和林婷话今季最大分别是两人终于合体齐齐出动，仲会带埋Stanley去台湾和Anson去日本，他们话成个团队都多了人，气氛更好，MCM仲话：「多咗人畀我整蛊，但最容易惊始终系林婷啰！」他和Anson更大爆林婷遇灵异声音仲吓到喊。

后来师傅发现，Anson间房好多灵体出现。

酒店舞台后面，林婷突然听到有男人同佢讲嘢，即吓到揽住Anson想喊。

马尔代夫揾水鬼
至于新丁Anson就话本身好信鬼神，知道要拍该节目都好期待，仲大爆自己淆底经历，「𠮶集个主题系招啲BB鬼，师傅叫我攞啲糖摆喺床边，我仲懒叻摆喺枕头边谂住易拍到，点知解我喺度玩直播嘅时候，不断听到有人敲窗声，仲有好多人喺直播度话畀我听见到小朋友，连阿Dee（Error）个朋友都话见到叫我小心，𠮶吓真系淆底，唯有将啲糖扫番落地大觉瞓。」本身是节目粉丝的Stanley同MCM去到台湾一间荒废寺庙尝试探灵时，竟然听到回应，「我哋问佢嘢，佢真系发出啲声系答紧我哋咁，𠮶吓真系毛管戙，咁大个仔未试过咁惊。」

虽然吓餐死，但4人都话自己去旅行时，反而唔会理酒店有冇鬼，费事自己吓自己，而Stanley和Anson又话下季都想再拍，4人又兴奋提议之后可以去得更远，譬如欧洲、南美洲，甚至马尔代夫，他们异口同声话：「应该边度都有鬼嘅，马尔代夫都系（睇吓有冇水鬼？）系啰！好提议呀！」