泳儿拍MV沉落水底遇小意外以为自己会死

更新时间：15:27 2021-11-01 HKT
发布时间：16:30 2021-11-01 HKT

故仔系讲两个女仔超越咗友谊嘅关系。

泳儿（Vincy）今日推出新歌《沉溺》，歌词源自她跟填词人周耀辉分享首次考潜水牌及潜水经历，「遇到一个小小嘅意外，当我想浮上水面嘅时候，我揿极救生衣个浮水掣都揿唔到，𠮶刻我觉得会死喺水底。辉哥听完故仔后，就将我呢次经历写咗喺《沉溺》入面。」歌曲以爱情角度出发，爱到可以放弃呼吸、爱到窒息嘅感觉，Vincy更透露周耀辉填这首歌时，差点填到窒息，「佢系辛苦到填到就嚟想死咁，我第一次听嘅时候，好似有一种濒死嘅感觉，唱到要死。」

泳儿拍摄时揿极救生衣个浮水掣都揿唔到，𠮶刻以为自己会死喺水底。

MV继续找来合作无间的Sheng拍摄，不过今次Vincy的参与度有别以往，「之前嘅MV我嘅参与度系好多，由头带到落尾。今次有一大部份系有好好嘅演员帮我去演绎个故仔。故仔系关于两个女仔嘅关系，系超越咗友谊、超越咗性别𠮶种爱、𠮶种沉溺。MV中亦都有一啲穿越嘅元素。当我沉落去泳池底再浮上水𠮶一刻，其实我系穿越咗去另外一个世界。」至于整个拍摄都要浸水，Vincy就话一点也不辛苦，原来她十分喜欢游水，「我其实系几钟意游水，咁我都好耐冇游水啦，哈哈，所以头先break嘅时候都乘机游咗两吓，但发现：『咦！好似有啲生疏㖞，又有啲唔够气㖞……』」她更说自己跟「水」有缘，「以往很多MV都同水有关，自己个名又有水啦。拍MV水同典地都试过，未试过喺空中，唔知下个mv会唔会飘浮喺空中？我自己都好期待。」