演斗听丨SM超高速音乐神技林德信呻唔公平

更新时间：16:52 2021-09-15 HKT
发布时间：00:30 2021-09-16 HKT

林德信最后成为MVP金腰带得主。

Supper Moment于周六晚《演斗听》挑战极限，在「我点你作」环节中，他们以御用监制陈伟文（Adrian Chan）的语音讯息「下首先」作为素材，用超高速嘅节奏演绎，连记歌词都辛苦，主唱Sunny表示：「首歌系写俾Adrian，佢又坐喺隔篱，好大压力！（首歌佢收货㖞？）系呀！终于唔使下首先……」结他手阿鸡亦话：「𠮶首歌系190bpm，喺我哋作品之中最快嘅歌。」低音结他手CK则表示最难的环节是「神算歌手」：「本来谂住让几秒，点知让咗十几秒出嚟。」但阿鸡反而好满意：「因为我系第一次喺荧幕前唱歌。」

SM原打算让几秒，点知让咗十几秒出嚟。

Sunny表示监制Adrian在现场，感到好大压力。

此外，他们还改编陈蕾的《娑婆》，并打算收录在自己channel内。至于鼓手阿达就与演斗band的鼓手Joey对决，录影时，两大鼓手battle好精采，阿达坦言对住Joey有压力，而CK则指最大对手是RX，因为对方是没有限制，乜嘢声都做到。

对赛的组别林德信（Alex）多次表示不公平，笑指：「今日个评判Adrian系Supper Moment嘅人嚟㗎！观众睇嘅时候，唔好忘记呢个point，不过都好好玩，大家好开心！」MVP金腰带最后就落在Alex手上。