多得敏之教路丨一击即中做爸爸　陈山聪：系冒险试一试

更新时间：22:38 2021-09-10 HKT
发布时间：13:00 2021-09-11 HKT

陈山聪赞太太冷静。

陈山聪早前为情如兄弟姊妹的陈敏之的YouTube Channel做嘉宾，节目在昨晚（10日）播出，敏之大赞阿嫂Apple很冷静，而EQ又很高，山聪表示认同并说：「阿嫂真系好冷静，求婚、结婚到影婚纱相都系一样，记得喺产房门口等生仔，我自拍条片送俾佢，𠮶阵已经喊晒，点知太太一直都好冷静啲，叫我唔好喊，连麻醉师都忍唔住话乜原来拍戏啲眼泪系真，之后见到个仔出咗世，我喊得仲犀利，但系太太依然好冷静，唔知啲麻醉药系咪打咗去佢啲眼泪！」敏之忍不住问阿嫂有否激动时候？山聪坦白地说：「试过激到佢喊，(饮醉酒唔返屋企？)我冇唔返屋企，最多都系去错咗另一层数！」

不过都试过激嬲老婆。

陈山聪与太太。

自从做了爸爸后，山聪几乎将所有时间都放在儿子身上，敏之坦言未有想过原来阿哥都系好爸爸：「佢系浪子，钟意爱情同浪漫，好享受个过程，唔会谂过有稳定生活，点知佢生个仔之后，世界只系有个仔！」山聪笑说：「18岁𠮶阵钟意小朋友，屋企多兄弟姐妹仲有啲姨甥，大咗咪出去玩，到我认识咗Apple之后，去到谈婚论嫁之前，佢都有问过我想唔想生小朋友，我答咗佢一句，『生乜鬼小朋友呀，我哋两个自由自在，想去边咪去边，玩咪好啰。』」直到Apple的妹妹生女之后，因为经常帮手照顾的关系，激发起山聪想做爸爸的欲望，殊不知轮到Apple不想，最后多得敏之教路，成功令山聪一击即中做了爸爸！

陈山聪而家有仔万事足！

将啲精力摆晒去个仔度！

当时敏之叫山聪「唔好嘥子弹」，在period来了之后的两个礼拜才行房，山聪说：「我记得𠮶阵拍紧《大步走》，就嚟结婚，有一晚饮少少酒睇完剧本，上床之后谂谂吓差唔多时候，𠮶阵Apple瞓咗觉，咪谂住危脸试一试(好彩配合？)冇呀，佢闹我你做乜嘢呀，咁咪试吓，原来𠮶次系中咗，我系喺结婚前两日先知有咗。」山聪还说：「我觉得结婚唔系最大改变，生仔先系，我觉得佢系唯一一样真系属于我嘅嘢，系流紧我嘅血。」