怀疑黄奕晨有第三者吴嘉熙：令到我对佢嘅信任完全瓦解

更新时间：16:51 2021-08-30 HKT
发布时间：20:30 2021-08-30 HKT

Cheronna早前接受网上节目访问大谈感情。

女子组合Super Girls成员吴嘉熙（Cheronna）日前接受网上平台访问，她坦言过往曾经拍过不少散拖，直到近年有一、两段感情令她成熟了不少，其中一段是与夏雨儿子兼ViuTV主持黄奕晨（Dixon）的恋情，她说：「同Dixon嘅关系系其中一个成长，再之前𠮶一段感情处理得唔好，我将呢样嘢放咗落去同Dixon𠮶段关系，对方系要控制晒我嘅一切，之后有个智者提醒我，呢个都系我嘅责任，因为我太怕失去一个人，纵容对方去咁做，令一段关系失去咗平衡。」

Cheronna怀疑有第三者出现。

Cheronna表示当时拍了拖3个月已经是噩梦来临：「我哋前后拍咗拖两年，但系中间系有一段时间唔开心，系有佢讲冇我讲，跟住仲影响咗我同妈咪嘅关系，搞到我有阵会忽略妈咪嘅感受。」自言是恋爱大过天的Cheronna，将对方放到很大：「有好多嘢系对方逼我埋墙角，连同朋友倾偈都唔得，变咗我系喺好大嘅压力下去生活，我就用伤害自己嘅方法希望冇事，自己掴自己，打落墙搞到自己瘀晒，啲碟扫埋落地，照踩上去啲碎片度，如果我唔伤害自己件事就继续落去，最少折磨期要经过3日先好少少。」

最后Cheronna决定分手，其后可能因为这一段不愉快经历，令她难投入和Dixon的感情：「我成日同Dixon讲不如我哋顺其自然，一齐得几耐就几耐，可能我太抽离，搞到佢冇乜安全感，之后再因为一啲事情，令到我对佢嘅信任完全瓦解，我唔知呢个第三者系咪的确存在，可能行动上令我误会𠮶个系第三者，我冇揾真相，总之系因为一啲嘢，冇咗个信任，直到我哋完为止，都系冇呢个信任，最后系佢提出分手，我都知系辛苦晒佢。」她希望下一段情可以学识放松及学懂感恩：「希望可以系最后一段情，因为我唔想失恋，真系好辛苦。」