囝囝性取向自由陈子丰最穷时兼职卖保险养家

更新时间：15:11 2021-08-27 HKT
发布时间：15:15 2021-08-27 HKT

陈子丰最穷时要做兼职卖保险。

在港版《大叔的爱》饰演出柜男Darren的陈子丰昨晚为黄婉曼（Icy)主持的购物平台做直播嘉宾，他在剧中为Anson Lo由直变挛，甘愿牺牲妻儿去追寻真爱。现实生活中的子丰却是尽责好老公及猫爸，经常在社交网晒家庭相，更暱称两岁囝囝做「老细」。

子丰有子万事足，在太太产后便协助喂奶、换片和凑仔，父子关系亲密，囝囝喜欢「亲亲爹哋」，陈太不但不呷醋，乐得拥有me time去煲剧。子丰不讳言太太是MIRROR忠粉，尤其追捧子丰剧中情敌Edan，子丰大爆老婆是「爵屎」：「佢甚至有自肥计划，叫我邀请Edan同Anson佢哋返屋企聚会。」子丰与太太订了规矩，家中若放了MIRROR成员海报或大相，必须有他同样大细的相片放在旁边，当然陈家只放一家三口靓相。

拍完《大叔的爱》，陈子丰人气上升。

子丰目标是让妻儿得到最好生活。

子丰因为《大》令知名度提升，揾钱机会大增，但回想未加入Viu TV时，工作量少收入不稳。「𠮶时好穷，冇工开时我试过兼职卖保险，客人多数系身边朋友同屋企人介绍，佢哋买晒就冇其他客，我怕丑唔够主动去接触陌生人，最终因为克服唔到，生意差，做咗一年就冇做。有一日着住老西嘅我经过海港城，望住镜中自己倒影，我觉得唔自在，自己啱喺镜头下多啲，就结束保险生涯。」

子丰一家三口。

父子关系亲密，囝囝喜欢「亲亲爹哋」。

子丰现在把握机会努力工作，目标是让妻儿得到最好生活，但暂时未打算追女。Icy追问子丰有没有想过若将来囝囝性向成疑的问题，他答：「有呀，我希望佢公开前畀啲hint，渗少少出嚟畀我知，唔好一嚟就带个男朋友返嚟畀我surprise，我唔想变成晴天霹雳爸爸。我都好传统吓，又系潮州人，得一个仔，好希望佢可以传宗接代，而家就同囝囝多啲倾偈，建立朋友关系，怕佢反叛期时乜都唔同我讲。」