被进击的娟姐狂问193绯闻陈海宁：唔好令三万老婆攻击我

更新时间：12:09 2021-08-11 HKT
发布时间：11:30 2021-08-11 HKT

娟姐笑称受193的老婆所托。

「Dee姐」的陈海宁在今年年初爆恋上193@ERROR，其后更被指以绯闻女友的身份亮相《ERROR自肥企画》，不过两位当事人未有承认关系。日前陈海宁与黄溢濠齐齐上ViuTV节目《有酒今晚吹》时，被进击的娟姐追问恋事。事缘因为陈海宁与ERROR的阿Dee撞样，强尼和娟姐一唱一和地形容陈海宁与ERROR关系千丝万缕，但她反而觉得阿Dee与自己的爸爸相似，尤其是对眼，娟姐接着说：「呢啲系咪叫夫妻相？」陈海宁一脸无奈地说：「点解两个人似就系夫妻相！」强尼打蛇随棍上：「有啲嘢，吹下吹下就系架喇！」

陈海宁多次回避。

强调与193只系朋友。

娟姐索性单刀直入地说：「193老婆们托我问你同193系……」未讲完，Dee姐已经斩铁截铁答:「朋友啰！」不过娟姐明显唔收货，继续追问︰「啲网民好劲，揾啲蛛丝马迹，点解你影啲相经常高炒到黐线，跟住就话一定系193影，究竟你哋系咪一齐tea，一齐去沙滩？」Dee姐解释︰「我身高165cm，高过我嘅男仔多的是。」但娟姐咬住唔放:「咁啲相系咪193帮你影？」强尼在旁笑笑口嗌精彩，陈海宁一脸尴尬地说：「我唔想……唔系呀！」

陈海宁表示拍拖都会低调处理。

强尼笑称原来是家属聚会。

进击的娟姐又发功︰「咁你同193有冇发展可能？」陈海宁脸露尴尬︰「暂时我哋系朋友。」虽然娟姐一直追问，但陈海宁继续回避：「听日我会唔会死，我都唔知啦！」娟姐︰「咁即系有冇限嘅发展可能，系咪？」此时强尼插咀︰「知唔知娟姐点解问得咁仔细，因为话晒你哋系家属，佢又系同肥仔传过绯闻。」避无可避的陈海宁唯有说︰「以我呢个年纪，遇到任何喜欢嘅人，我会好好把握，但你唔需要对号入座……(193系咪其中一个？)唔系呀，求求大家，唔好令三万老婆攻击我，无论我遇到任何喜欢嘅人，我都选择低调。」强尼即插咀︰「但人高好难低调！今日真系好开心，因为发现原来系一个家属聚会，除咗恭喜，都唔知讲咩！」