【识货】路芙自揭3年冇工开何远东被陈自瑶搞喊

更新时间：17:58 2021-06-30 HKT
发布时间：14:22 2021-06-30 HKT

路芙落力推介产品，最终逃不了被淘汰命运。

TVB真人竞技综艺Show《识货》昨 (29日) 晚播出的一集总共淘汰4名艺人，包括路芙、何远东，以及踢馆的丁子朗及郭子豪，留下来的4位「见习主播」陈嘉佳、陈自瑶、黎诺懿、黄颂明则成功晋身准决赛。

路芙与东东由于一直表现出色，故当主持郑裕玲宣布二人被淘汰时，现场众人表现愕然。在全场掌声下离场的路芙，大洒洋葱自揭3年没工开，并勉励同样前路茫茫的同行，说：「我哋嚟学做生意，其实系畀自己一条生路行，实际上我过去3年真系冇嘢做，真系冇搞作，自己又做剪片又写网站又带货。真系要畀啲机会突然冇嘢做嘅艺人，呢个（学做带货）就系一个出路。大家唔好再话等疫情完咗我又有嘢拍喇，真系唔好谂喇，因为有排都谂唔到，不如踏实啲去做呢件事。」同场的子豪听到路芙一番肺腑之言时不无感动，更坦承有所反思：「我有啲感动，我觉得自己身在福中要知福，我喺TVB有得拍剧又有得拍综艺，真系好幸福，要好好珍惜。」

何远东可惜未能与好友陈嘉佳齐齐晋身准决赛。

陈自瑶对东东表现依依不舍。

路芙在节目播出后，于社交网上载自己的演出片段，并感性留言谓：「过去两、三年时间真系好难行，好在仲有几位好朋友同埋我嘅信仰（畀到我）最大坚持，当然家人系一个最重要嘅爱护；大家作为艺人疫情令到自己冇工作做，千祈唔好灰心，尽量学习多啲市面上需要嘅技能，咁就能够有机会扭转自己个局势。」
至于向来予人开心果形象的东东，离别一刻亦不忘感性谓：「大家唔使咁Sad㗎，我觉得嚟到今日已经好精彩，我哋每一个都成长同学习紧。」事后他提及陈自瑶在他离开录影厂时冲出来送上拥抱以表不舍时，他亦差点流下男儿泪：「Yo仔唔舍得我走，但我必须要走，我再留低眼泪会流出嚟。」