歌迷高呼「撑你」 Supper Moment开骚台上台下喊成一片

更新时间：17:12 2021-06-27 HKT
发布时间：15:45 2021-06-27 HKT

成军15年，Supper Moment与歌迷互相支持。

一连两场《Supper Moment 一直相信演唱会》昨晚于九展举行，全场爆满。今次他们选择少说话、以歌会友，每一part歌单都藏了心声。当唱到《同一》时，全场观众起立和唱支持，场面感人，连场边的不少工作人员也眼湿湿，之后Sunny向大家打招呼，并声嘶力竭连喊3次「我哋系Supper Moment！」；歌迷亦高呼「好挂住你哋！」、「爱死你」、「Supper加油」、「撑你」回应。
Sunny表示：「虽然隔住个口罩，我都感受到你哋个笑容。好耐冇见！你哋狂叫我喺会钟意听，喺到非常多谢大家支持…我知道！唔容易！」观众马上掌声狂响大叫「撑你」。Sunny忍不住闪着泪光说：「唱到《寻回一碗汤》，我谂起好多嘢，谂起我老婆，谂紧呢队band行咗15年，呢15年喺你哋觉得失意时，我哋嘅音乐无意间支持咗大家…数吓数吓好长时间，原来你支持对我哋来讲，同样重要。呢两年疫情大家静咗落嚟，先知原来几挂住呢种感觉、挂住喺台上感觉…好挂住你哋！我希望我哋透过音乐、信念，继续将喺香港做的事，继续发展出去！」
接着唱出《是你令我再次心跳》，歌迷即起哄大叫「我爱你！」、「Supper努力！撑你！」唱到《幸福之歌》时，Sunny终于崩堤，被泪水沉没，边抹泪边唱；台下不少歌迷都被打动得跟着他一同落泪。